Закрыть
Логин:
Пароль:
Забыли свой пароль?

Войти    

Тываның Баштыңы улуг салгалга хүндүткел кылдыр чазактың хоочуннарынга белектерни тыпсырын чагаан

Тываның Баштыңы улуг салгалга хүндүткел кылдыр чазактың хоочуннарынга белектерни тыпсырын чагаан 01.10.2015
 Москваже ужуп чоруур бертинде, Тываның Баштыңы Шолбан Кара-оол улуг салгалга хүндүткелдиң хүнү - Октябрь 1-биле республиканың чазааның хоочуннарынга тураскаалдыг белектерни тыпсырын чагаан. Ол белек-селектерде Тыва Республиканың чурттакчыларының дугайында «Тывалар» чаа фотоальбом, суй белек база чылыг сөстер дамчыткан бижик бар.
 Тываның чазаанга идепкейлиг ажылдаан 40 ажыг хоочуннарга белектерни тывыскан.
 «Хоочуннарывыска хүндүткелди көргүзеринге онзагай хүн. Кызылда эвес мен, ынчалза-даа Чазактың мурнундан тураскаалдыг номнарны болгаш бижиктерни бистиң ажылдакчыларывыс тудускан. Силерниң мерген угааныңарга болгаш хырааланган бажыңар дүгүнге мөгейдим, хүндүлүг хоочуннар! Узун назынны база кадыкшылды силерге!» - деп бодунуң блогунда Шолбан Кара-оол бижээн.

Возврат к списку