Закрыть
Логин:
Пароль:
Забыли свой пароль?

Войти    

Шолбан Кара-оол тыва оолдарның керээ езугаар албан-хүлээлге эрттирип турары Нижнеудинскиже байдалды тодарадыры-биле оралакчызын чоруткан

Шолбан Кара-оол тыва оолдарның керээ езугаар албан-хүлээлге эрттирип турары Нижнеудинскиже байдалды тодарадыры-биле оралакчызын чоруткан 17.11.2015
 Тываның Баштыңы Шолбан Кара-оол Чазак Даргазының оралакчызы Анатолий Дамба-Хууракты 55-ки аңгы адыгжы бригадада тыва оолдарның керээ езугаар шериг албанын эрттирип турары Нижнеудинск хоорайже сургакчыладып чоруткан. 
 «55-ки аңгы адыгжы бригаданың Тывадан барган сержант составы Нижнеудинск хоорайга күзенчиг эвес төөгүге кире бергенин соцчеткиден көрдүм. Тус черниң чурттакчылары-биле олар чөрүлдээ үндүрген, ооң түңнелинде оларның чамдыктарын албан-хүлээлгеден халаан дээн болду. Интернетте кирген аас-дылды хере кырында болганындан хөөредип турар ышкаш-тыр. Төп шериг округунуң командылакчызы В.Б. Зарудницкий-биле чугаалаштым. Ниитизи-биле байдал ындыг-ла берге эвес. Ынчалза-даа байдалды тодарадыр болгаш шын медээни эккээри-биле оралакчым А.П. Дамба-Хууракты чоруттум. Бистиң оолдарывыс патриотчу болгаш интернационалчы дээрзин билир мен. Чүү болганын, ооң кандыг чылдагаан-биле тывылганын тодарадыры болгаш ындыг чүүлдерни катаптавазы-биле хемчеглерни алыры чугула» — деп, республика Баштыңы соцчеткиде бодунуң арнынга бижээн. 
  Кызылга адыгжы бригаданы эрткен чылын тургускан дээрзин сагындыраал, ооң кол баазазы — Тываның найысылалының хем ол чарыында туттунуп турар шериг хоорайы. Республиканың чурттакчыларындан бригадага шериг албанын эрттирери-биле бир муң ажыг кижини чыгган. Ол сержант состав Нижнеудинскиге албан-хүлээлге аайы-биле Юргадан келген. 
 Нижнеудинскиге чүү болганының дугайында албан-езузунуң МИЧ-леринде кандыг-даа медээ чок.

Возврат к списку