Закрыть
Логин:
Пароль:
Забыли свой пароль?

Войти    

Кадык камгалал яамызы: Тывада кол эмчилерниң шалыңы акшазы айда 60 муң бичии-ле ажыг рубль

Кадык камгалал яамызы: Тывада кол эмчилерниң шалыңы акшазы айда 60 муң бичии-ле ажыг рубль 09.12.2015
 Тывада эмнелге албан черлериниң кол эмчилериниң шалың акшазының хемчээли дыка улуг дугайында медээ бөгүн массалыг информация чепсектеринде тараан. 
 Бүгү-Россияның Улусчу фронтузунуң сан-чурагайларынга даянгаш, федералдыг информация агентилелдери, Тывада кол эмчилерниң орулгазы чылда 65 миллион чедип турар деп, парлаан. Оон алгаш көөрге, республиканың эмчилери айда 5 млн. ажыг рубльди ажылдап ап турарлар.
 Тыва Республиканың эмнелге албан черлериниң кол эмчилериниң ортумак шалың акшазы херек кырында 62950,70 рубль, анаа эмчилерниң шалыңындан 20126,3 рубльге хөй деп, республиканың Кадык камгалал яамызы дыңнаткан. 
 Албан черлериниң удуртукчулары биле коллектив кежигүннериниң шалың төлевириниң хемчээлинге эмин эртир улуг ылгавырны болдурбас деп, регионнуң удуртукчузу Кадык камгалал яамызының албан хаакчыларының болгаш улуг эмчилерниң кичээнгейинге каш-даа катап чугаалап турарын демдеглээлиңер.

Возврат к списку