Закрыть
Логин:
Пароль:
Забыли свой пароль?

Войти    

Тываэнерго: Кызылда аварийлиг байдал соонда катап тургузуушкун ажылдары уламчылавышаан

Тываэнерго: Кызылда аварийлиг байдал соонда катап тургузуушкун ажылдары уламчылавышаан 02.02.2016
 "Тываэнерго" ААН-ның четкилерин башкарар төптүң медээзи-биле алырга, февраль 2-де 8.00 шакта республиканың шупту хереглекчилерин чырык алырының курлавыр схемазын ажыглап, чырык хандырылгазынга кошкан. Кызылда аварийлиг байдал соонда катап тургузуушкун ажылдары уламчылавышаан. Вторникте хүндүс коммуналдыг көвүрүг чоогунда база Рабочая кудумчузунда участокта үрелген шугумнарны септээн. 
  Бир эвес дачалар ниитилелиниң бажыңнарында чырык хандырылгазы чок болза, ол дачалар ниитилелдериниң даргаларынга барып чугаалаар. Оларның удуртулгазында турар черлерни чырык четкизинге кошкан, кошпаанын хынаарынга ол херек дээрзин, "Тываэнерго" ААН-ның парлалга албаны тайылбырлаан. 
 Эрткен дыштаныр хонуктарда, Кызыл хоорайның кезек черлери, ол чарыы, аварийлиг өжүрүлде соонда, чырык чок артканын сагындыраал. Специалистерниң бодалы-биле алырга, дыка күштүг сооктардан чырык удазыннарының үрелгени, хоорайның оң талазында чурттакчыларның чырыкты оорлаанының хөй санныг фактылары – ооң кол чылдагааны болган.

Возврат к списку