Закрыть
Логин:
Пароль:
Забыли свой пароль?

Войти    

Эрзинге кылымал сигенниг футбол шөлүн тударынга Тыва 11,3 млн. рубльди камгалап алган

Эрзинге кылымал сигенниг футбол шөлүн тударынга Тыва 11,3 млн. рубльди камгалап алган 12.04.2016
  Тывада кылымал сигенниг футбол шөлүнүң саны 5 турганындан, ам 7 апаар. 2016 чылда Бай-Тайга кожууннуң Тээли база Эрзин суурларынга ындыг шөлдерни тудуп эгелээрин республиканың Аныяктар херектери база спорт яамызы дыңнаткан.  
 Республиканың Чазаа Эрзинде тудугже 11 млн. 357, 5 муң рубль түңнүг субсидия акшазын камгалап алган. Россияның Чазааның даргазы Дмитрий Медведев ооң дугайында айтыышкынга атты салган. «Күш-культура болгаш спортту хөгжүдери» күрүне программазы-биле Тывадан аңгыда, Россияның 25 регионунга акша-хөреңгини аңгылаан. 
 2008 чылдан бээр Тыва ол программаның боттаныышкыны-биле Кызыл, Шагаан-Арыг, Ак-Довурак, Чадаана хоорайларда база Кызыл кожууннуң Каа-Хем суурунда кылымал сигенниг футбол шөлдерин туткаш, ажыглалга киирген. 2020 чылга чедир ол программаның боттаныышкыны үргүлчүлээр.

Возврат к списку