Закрыть
Логин:
Пароль:
Забыли свой пароль?

Войти    

Шолбан Кара-оол аныяк профессионалга байыр чедирген!

Шолбан Кара-оол аныяк профессионалга байыр чедирген! 13.04.2016
 Республика Баштыңы Тываның Көдээ ажыл-агый техникумунуң сургуулу Борис Монокпанга байырны чедирген. 
 Марттың 24-27 хүннеринде, Красноярск хоорайга эрткен WorldSkills Russia - «Аныяк профессионалдар» национал чемпионаттың чартык түңнел маргылдаазынга Тываны төлээлээн 14 киржикчиниң аразындан чүгле ол мөңгүн медальды чаалап алган. 
 Республиканың Баштыңы Шолбан Кара-оол оолдарның чедиишкини дээш техникумнуң башкылаашкын составынга өөрүп четтиргенин илереткен. Көдээ ажыл-агый машиналарын ажыглаарынга эки белеткелин көргүскен, Бии-Хем кожуун чурттуг Борис Монокпанга ам-даа чаа чедиишкиннерни күзээн. 
 «Ажылчын холдар – каяа-даа чорда хүндүткелдиг, кижини күш-ажыл каастаар. Эр-хей, конкурска сүрээдевейн, нарын айтырыгларны шиитпирлээриниң чаа аргаларын шиңгээдип, шоолуг-ла таныш эвези тускай техниканы чыып, адырар даалганы чедиишкинниг күүседип, бистиң республиканың адын төлептиг камгалаан сен» – деп, аныяк оолду мактаан.
 Профессионал техникумнарның сургуулдары болгаш доозукчулары 26 аңгы хевирлерге мөөрейлешкен. Тиилекчилер национал чемпионаттың түңнел маргылдаазынга Сибирь Федералдыг округту төлээлээр. 
 Тываның Баштыңы Шолбан Кара-оол тиилекчи студентиниң дагдыныкчызы, директорнуң оралакчызы Сергей Метелев-биле республиканың көдээ ажыл-агый техникумунуң амгы байдалын болгаш сайзыралының дугайында чугаалашкан.

Возврат к списку