Закрыть
Логин:
Пароль:
Забыли свой пароль?

Войти    

2016 чылда инвалидтерниң профессионал өөредилгезин деткииринге 8,3 млн. рубль түңнүг федералдыг субсидияны Тыва камгалап алган

2016 чылда инвалидтерниң профессионал өөредилгезин деткииринге 8,3 млн. рубль түңнүг  федералдыг субсидияны Тыва камгалап алган  04.05.2016
 Россияның Чазааның сайтызы РФ-тиң 49 субъектизинге ындыг деткимче болур акша-хөреңги үлээшкининиң дугайында айтыышкынны парлаан. 
 Тывадан аңгыда, РФ-тиң Өөредилге яамызынга боттарының инклюзивтиг өөредилгезин хөгжүдер программаларын киирген Сибирь федералдыг округдан алды регион конкурс шилилгезин эрткен. 
 Тускай өөредилге, реабилитация, компьютер дериг-херекселдери-биле дерииринге, өөредилге программаларын, өөредилге-методиктиг материалдарны, программа хандырылгазын ажылдап кылырынга база садып алырынга субсидия акшазын киирер деп, айтыышкында айыткан. 
 База ол ышкаш башкы кадрларның мергежилин бедидер курстарны база стажировкаларны эрттиреринче, инвалидтерге өөредилге албан черлериниң чедингирин хандырарынче субсидия акшаландырыышкынын углаар. 
 Пандустарны тургузары, эжиктерни алгыдары, хеп уштур черлерни, спортчу база улуг залдарны, столовая, библиотекалар, өөредилге кабинеттерин, санитарлыг-гигиена өрээлдерин, өрү көдүртүр дериглерни эде дерип, таарыштырары база ынаар кирип турар.

Возврат к списку