Закрыть
Логин:
Пароль:
Забыли свой пароль?

Войти    

Муниципалдыг тургузуглар чурттакчы чонга бойдустуң хайыразын чыып алырынга дузалажырын Тываның Баштыңы дааскан

Муниципалдыг тургузуглар чурттакчы чонга бойдустуң хайыразын чыып алырынга дузалажырын Тываның Баштыңы дааскан
 Эрткен чылда ышкаш, тоорук чыыр дээш тайгага кижилерниң аза бээр чоруу, кемдеп-берттинип, озал-ондакка таваржырын болдурбазы-биле муниципалдыг тургузуглар ажылды чорударын регионнуң баштыңы сагындырган. 
  Ынчангаш кижилер бо чылын бойдустуң хайыразын чогуур үезинде чыып алзын дээш, муниципалдыг тургузуглар чонга дузаны көргүзерин Шолбан Кара-оол сүмелээн. Дыка хөй көдээниң чурттакчылары кат-тоорукту чыып, садып-сааргаш, орулганы киирип ап турарлар. Каа-Хем кожуунда ышкаш, эрттирилге чурумун тургузарын болдурбас, харын-даа чон бөлүү-биле үнерин чедип алыр деп  ол чагаан. 
 «Тоорук, мөөгү база кат – бистиң дыка хөй чаңчыс чер чурттугларывыстың орулга киирип алыр, кышты өттүр өг-бүлезин азыраар бир аргазы-дыр. Кат-тоорук чыыр үе дүшкен. Ооң мурнунда чылдарда ышкаш, коллективтиг үнүүшкүннерни катап эгитсе эки боор. Арга-арыгже, тайгаже үнер кижилерни чаңгыс черге мөөңнеп, айыыл чок чорукту хандырары чугула. Ол талазы-биле албан езузунуң айтыышкынын хүлээп алыр бис» - Шолбан Кара-оол бодунуң блогунда дыңнаткан.

Возврат к списку