Закрыть
Логин:
Пароль:
Забыли свой пароль?

Войти    

Тыва федералдыг бюджеттен орук хөгжүлдезинге немелде 6,5 млн. рубльди алыр

Тыва федералдыг бюджеттен орук хөгжүлдезинге немелде 6,5 млн. рубльди алыр 16.12.2016
 Орук инфраструктуразын хөгжүдеринге немелде акша-хөреңги кылдыр федералдыг бюджеттен трансфертке 6,5 млн. рубль түңнүг акшаны Тываже чоруткан. 
 Россия Федерациязының Чазааның декабрь 10-да айтыышкыны-биле, транспорт үндүрүүнден тырткан түң-биле холбашкан орулганы компенсация акша-хөреңгизи кылдыр тускайлаан. «Регионнар ол акшаларны регионнуң болгаш тус черниң автомобиль оруктарын чогуур байдалче киирип алырынга ажыглап болур» - деп, Россияның Чазааның Даргазы Дмитрий Медведев чугаалаан.  
 «Платон» системаны киирген соонда, чүък сөөртүрде 12 тоннадан аар транспорт аймаа-биле күрүне оруктарынга чедирген когаралын эгиткен төлевирден орулгалар тургустунганын сагындыраал. Тывада улуг чүък машиналарының ээлериниң төлээни транспорт үндүрүүнден республика бюджединиң чедир албаан түңү 6,5 млн. рубль хире, регионга ону «Платон» системадан чыгган акша-биле бээр
  «Платон» системазын хандырган регион төвүнүң медээзи-биле, республикада бөгүн 12 тоннадан аар автомобильдиг шупту чүък сөөртүкчүлериниң 90 хире хуузу системада бүрүткеткен, оларның маршрудун хайгаараар база төлевирни тырттар тускай дериг-херекселдер-биле чепсегленген. Платон» системада бүрүткеткен улуг чүък машиналарының үлүү 100 хуу хире Россияның 20 регионунуң санында Тыва база кирген.

Возврат к списку