Закрыть
Логин:
Пароль:
Забыли свой пароль?

Войти    

РФ-тиң Президентизиниң бүрүн эргелиг төлээзи Тываның Баштыңының Кызылдың аэропортунга делегей чергелиг секторну ажыдар дээн айтырыын деткээн

РФ-тиң Президентизиниң бүрүн эргелиг төлээзи Тываның Баштыңының Кызылдың аэропортунга делегей чергелиг секторну ажыдар дээн айтырыын  деткээн 19.12.2016
 «Сибирь федералдыг округтуң Чөвүлелинге регионнар хөгжүлдезиниң айтырыын чугаалашкан. Өзүлдениң шупту точкаларын, күштүг болгаш кошкак талаларын база – деп, Тываның Баштыңы Шолбан Кара-оол бодунуң блогунда Новосибирскиге ажылының үезинде бижээн. - Россияның Президентизиниң бүрүн эргелиг төлээзи С.И. Меняйло Кызылдың аэропортунга делегей чергелиг секторну ажыдар дээн бистиң саналывысты деткээн. Ону боттандырар дээш ажылдаар бис». 
Амгы үеде Кызылдың аэропортунда ужудуп-хондурар шөлдү чаартыр ажылдар чоруп турар, делегей чергелиг секторну аңаа ажыдар ужурлуг деп, РФ-тиң президентизиниң СФО-да бүрүн эргелиг төлээзи Сергей Меняйло санап турар. 
 «Септелге чоруп турар аэропортка делегей чергелиг сектор турар» - деп, пятницада Новосибирскиде Сибирь реионнарының баштыңнары киришкен Чөвүлелде ол чугаалаан.
 Тываның Баштыңы Шолбан Кара-оол хуралга сөс алгаш, 2017 чылдың июнь эгезинде ужудуп-хондурар шөлдүң чаартылгазы доостур, амгы үеде Росавиация-биле делегей чергелиг сектор талазы-биле чугааны чорудуп турарын дыңнаткан. Бир эвес ол болу бээр болза, Тываже кожа чурттардан туристер ужуп кээр аргалыг, деп Тываның Баштыңы демдеглээн. Туристерни хаара тудар өске арга – российжи-моол кызыгаарда Хандагайты - Боршоо каайлы постузунга хөй талалыг эрге-байдалды тыпсыры деп база айыткан.

Возврат к списку