Закрыть
Логин:
Пароль:
Забыли свой пароль?

Войти    

Тываның Баштыңы Кижиниң болгаш уруглар эргелериниң талазы-биле бүрүн эргелиг төлээге ЭУСШ-га школачы оолдуң чок болганының чылдагаанын сайгарарын дааскан

Тываның Баштыңы Кижиниң болгаш уруглар эргелериниң талазы-биле бүрүн эргелиг төлээге ЭУСШ-га школачы оолдуң чок болганының чылдагаанын сайгарарын дааскан 10.01.2017
 Тээли суурнуң 13 харлыг чурттакчызын спорт школадан эмнелге албан черинге эккелген соонда мөчээниниң дугайында дыңнадыг 2017 чылдың январь 9-та Бай-Тайга кожууннуң корум-чурум камгалаар органнарынче кирген. Ол болуушкунга хамаарыштыр истелге органнары РФ-тиң КХ-ниң 293 чүүлүнүң 2 кезээ-биле кеземче херээн оттурган.  
 2017 чылдың январь 9-та 11 шак үезинде, Тээли суурда Гагарин кудумчузунда 36 «а» дугаарлыг бажыңда «Тээлиниң ЭУСШ» НӨ-ниң МБА-га баскетбол ойнап турда, 13 харлыг ойнакчының кырынче футбол хаалгазы кээп дүшкен. Элээди оолду эмнелгеге чыттыргаш эмчи дузазын көргүзүп турзажок, ол-ла хүн эмнелгеге ол чок болган. Баш мээзинге алган кемдээшкин - өлүмнүң чылдагааны чадавас.
 Тываның Баштыңы Шолбан Кара-оол регионда Кижиниң болгаш уруглар эргелериниң талазы-биле бүрүн эргелиг төлээ Ольга Россовага школачы оолдуң чок болганының чылдагаанын сайгарарын дааскан.  
 «Тээли суурда чаш төлдү камгалап шыдаваан. 7-ги класстың өөреникчизи спорт школазынга база барып турган. Ооң кырынче демирден кылган футбол хаалгазы кээп дүшкен. Кижиниң болгаш уруглар эргелериниң талазы-биле бүрүн эргелиг төлээ Ольга Россовага школачы оолдуң чок болганының чылдагаанын сайгарарын даастым. Озал-ондак кымның буруузу-биле болганын сайгарган соонда, буруулуг кижилерге онааштыр шыңгыы хемчегни алыр бис. Мөчээн оолдуң өг-бүлезинге кажыыдалымны илереттим, шупту харыысалгалыг кижилер оолдуң ада-иезин деткиирин диледим» - деп, Тываның Баштыңы бодунуң блогунда бижээн.

Возврат к списку