Закрыть
Логин:
Пароль:
Забыли свой пароль?

Войти    

Тываның Баштыңы волейбол, баскетбол маргылдааларынга тиилээн 11 москвачы студентини Кызылче чанар авиабилеттер-биле хандырар

Тываның Баштыңы волейбол, баскетбол маргылдааларынга тиилээн 11 москвачы студентини Кызылче чанар авиабилеттер-биле хандырар 07.03.2017
 Марттың 4-те Надя Рушева аттыг 1466 дугаарлыг Москваның школазынга «Тыва чаңгыс чер-чурттуглар» РХО волейболга, баскетболга база тыва хүрешке маргылдааларны организастап эрттирген. Тыва Республиканың Баштыңы Ш.В.Кара-оол хемчегниң хүндүлүг аалчызы болуп киришкеш, баскетбол маргылдаазынга база ойнаан.  
 Тывадан Москваның дээди өөредилге черлеринде өөренип турар студентилерниң хөй кезии база оларның аарыкчы эштери чаңгыс чер-чурттугларның спортчу маргылдааларынга чыглып, оюннарга киржир чагыгларны баш бурунгаар киирген, оларның четкизин тургускан. 
 Маргылдаа эш-хуу, чылыг байдалда эртип, аарыкчыларның дааш-шимээни залды «чазылдырып» турган. Тыва Республиканың Баштыңы Шолбан Кара-оол оюннар төне бээрге, киржикчилерге байырны чедиргеш, тиилекчилерге бодунуң шаңналын чарлаан – волейбол маргылдаазында тиилээн команданың 6 ойнакчызынга база баскетбол командазының 5 кежигүнүнге Москва-Кызыл аразының авиабилеттерин тыпсыр дээни студентилерге улуг өөрүшкүнү болдурган.  
 Тываның Баштыңы Шолбан Кара-оол школаның күш-культура башкызы Виктор Петровичиге тыва студентилерге маргылдаа эрттиреринге көргүскен деткимчезин демдеглээш, аңаа тураскаалдыг суй-белекти тудускан. Студентилер маргылдаа соонда Тываның Баштыңы-биле кады чуруктарга тырттырышкан. 
 Республиканың Баштыңы Надя Рушева аттыг 1466 дугаарлыг школаның директору Оксана Видутина-биле ужурашкаш, Надя Рушева деп кайгамчык салым-чаяанныг уруг – тыва биле орус ийи чоннуң уруу төрээн школазы-биле ТР-ниң күрүне лицейи-биле келир үеде кады ажылдаарынга культурлуг болгаш каттырыштырыкчы девиг болур деп ийи тала демдеглээн. Регионнуң баштыңы ТР-ниң өөредилге сайыды Татьяна Санчаага кады ажылдажылга дугуржулгазын белеткеп кылгаш, аңаа аттарны салыр даалганы телефон дамчыштыр берген.  
 Тываның Баштыңы школа музейинде Надя Рушевага тураскааткан экспозияны көргеш, Наталья Ажикмаа-Рушеваның школага белек кылдыр дамчытканы ховар экспонаттарын сонуургаан. Музейниң директору Наталья Усенкога музейге тыва аянныг каасталганы кылырынга ТР-ниң Национал музейи дузаны көргүзерин ол аазаан.

Возврат к списку