Закрыть
Логин:
Пароль:
Забыли свой пароль?

Войти    

Шолбан Кара-оол Россияның Чазааның даргазының оралакчызы Дмитрий Козак-биле ужурашкан

Шолбан Кара-оол Россияның Чазааның даргазының оралакчызы Дмитрий Козак-биле ужурашкан 14.04.2017
 Апрель 13-де Москвага Тываның Баштыңы Шолбан Кара-оол Россия Федерациязының Чазааның даргазының оралакчызы Дмитрий Козак-биле ужурашкан.  
 2015 чылдың апрель 17-де Россия Федерациязының Чазааның 678 дугаарлыг айтыышкыны-биле бадылааны Тываның соцал-экономиктиг хөгжүлде планының күүселдезин ужуражылга үезинде сайгарып чугаалашкан. Планда көрдүнген даңзыже уруглар садтарын тудар дугайында немелде пунктуну киирип, РФ-тиң Өөредилге яамызы Тывага 1,8 млрд. ажыг рубльди кезек-кезектеп бээр шиитпир хүлээп алдынган.  
 Ажыл-агыйжы, дускуссиялыг чугаа болганын Шолбан Кара-оол ужуражылга соонда социал четкилерде бижээн. Ындыг болзажок, 2016 чылда Россияда доозулган деп санаттынар уруглар садтарын тудар программаны Тывага уламчылаарын республика баштыңы чазак комиссиязы база чазак даргазының оралакчызы-биле дугуржуп апкан. Ооң-биле чергелештир, 2017 чылда республикага Улуг-Хем кожууннуң Ийи-Тал суурга школа тудуунга 300 млн. рубльди аңгылып бээрин чедип алган. 
 Республика бодунуң күжү-биле ийи чыл бурунгаар тудуп эгелээни чылыг генерациязының муниципалдыг ийи объектизинге - Ак-Довурак биле Шагаан-Арыг хоорайларда котельная тудуунга дуза кадарын өөренип көөр дээн Дмитрий Козактың даалгазын алганы – ужуражылганың кол түңнели ол деп, Шолбан Кара-оол санап турар.
 Россияның Чазаа республика хөгжүлдезинде чугула айтырыгларны билип, дыка хөй кол төлевилелдерге дуза кадарынга Москва белен бооп турарын дыңнаткан. Айыттынган хуусаада демдеглеттинген даалгаларны регион кады боттандырып шыдаар бе деп, айтырыг ында.
 «Төрээн черивисти дүрген сайзырадыр, объектилерни хуусаазында киирер дээш, бистиң бодувустуң харыысалгазындан дыка хөй чүве хамааржыр» - деп, Тываның Баштыңы Вконтактыда бодунуң арынында бижээн.

Возврат к списку