Закрыть
Логин:
Пароль:
Забыли свой пароль?

Войти    

Валентин Георгиевич Тока мөчээн

Валентин Георгиевич Тока мөчээн 11.05.2017
 Тываның Баштыңы Шолбан Кара-оол Валентин Георгиевич Токаның төрел болгаш чоок кижилеринге ханы кажыыдалын илергейлээн. 
Ол май 10-да мөчээн. Сөөлгү чылдарда фронтучу өөнүң ишти Ольгой Алексеевна-биле Минусинскиге чурттап турганнар. 
 "Фронтучу Валентин Георгиевич Токаның мөчээниниң дугайында ханы кажыыдал-биле дыңнадым. Улуг Тиилелгениң хүнүн дүүн чаа демдегледивис, а бөгүн ооң киржикчилериниң бирээзи чок апарган-дыр. Валентин Георгиевичиниң салым-хуузу бөдүүн эвес кижи, ынчалза-даа ол бодунуң Төрээн чуртунуң патриоду болгаш камгалакчызы болуп хевээр арткан. Ооң төрел болгаш чоок кижилеринге ханы кажыыдалды илергейледим" – деп, Тываның Баштыңы Шолбан Кара-оол бодунуң блогунда бижээн. 
 В. Г. Тока 1929 чылдың октябрь 1-де төрүттүнген. Салчак Калбакхөрекович Тока биле Александра Георгиевна Алехина – ооң ада-иези. Ол бодунуң адазының адын иезиниң ачазының адын езугаар кылып алган. 1944–1948 чылдарда Валентин Тока Соңгу флотка, Кызыл Туктуг Днепр флодунга база Ыраккы Чөөн чүкте Ханка хөлге шериг албанын эрттирген. 
Валентин Георгиевич Токаны май 13-те Минусинскиге орнукшударын дыңнаткан.

Возврат к списку