Закрыть
Логин:
Пароль:
Забыли свой пароль?

Войти    

Тывада сөөлгү коңга хүнүнде арага садарын хораан

Тывада сөөлгү коңга хүнүнде арага садарын хораан 16.05.2017
 Тываның школаларынга өөредилге чылы май 24-те 11 шакта болур сөөлгү коңганың байырлалы-биле адакталыр. 
 Республиканың Чазаа байырлалды эрттирер чурумда тус чер бот-башкарылга органнарынга болгаш школалар удуртулгаларынга арга-сүме берген айтыышкынны дүүн бадылаан.  
 Май 24-те Тывага ажыл хүнү болза-даа, ол хүн республика девискээринге арага садарын хораан. Ооң мурнунда чүгле байырлал болгаш дыштаныр хүннерде арага сатпас турганын сагындыраал. Суг үериниң, арга-арыг өрттериниң айыылының улгатканы-биле, ол ышкаш саргыларның көвүдээни-биле, өөреникчилерниң суг кыдыынче, арга-арыгже байырлыг үнүүшкүннер кылбазын айыткан.  
 Башкылар коллективтери база ада-иелер-биле кады муниципалитеттер хондур дежурныйлаашкынны чаңчыл езугаар организастаар. Школачыларның байырлал хүнүнде республиканың ИХЯ-зы күштелдирген чурумга ажылдаар. Арага продукциязы садып турар черлерни онза хайгааралга алыр.

Возврат к списку