Закрыть
Логин:
Пароль:
Забыли свой пароль?

Войти    

Тывада бюджет адырының ажылдакчыларын «Мир» картаже июль 1-ден шилчидип эгелээр

Тывада бюджет адырының ажылдакчыларын «Мир» картаже июль 1-ден шилчидип эгелээр 16.05.2017
 Тываның кредит организациялары 2017 чылдың июль 1-ден эгелеп карта-биле төлевир чорудуп турар боттарының шупту дериг-херекселдерин «Мир» төлевир картазын хүлээр кылдыр хандырар ужурлуг.  
 Республика Баштыңы Шолбан Кара-оол регионнуң бюджет ажылдакчыларын национал төлевир аргазынче шилчидер талазы-биле банкыларның территориалдыг салбырларының удуртукчулары-биле чөпшээрежилгени кылган «орук картазында» атты салган.
  Ол план езугаар июль 1-ден эгелеп, шалың шилчидер агар санны бир дугаар ажыткан шупту «бюджетниктерге» бюджеттен шупту төлевирлерни чорудар дээш, «Мир» төлевир картазын бээр. Бюджет адырында ажылдап турар болгаш, делегейниң төлевир системазын ажыглап шалың төлевириниң төлевилелдеринде агар саны бар кижилерни «Мир» ада-чурттуң картазынче 12 айның дургузунда – 2018 чылдың июль 1-ге чедир шилчидер ужурлуг. Ынаар шалың акшазындан аңгыда, бюджет албан черлериниң ажылдакчыларынга өске-даа төлевирлерни, ол ышкаш пенсия, стипендияларны база шилчидер. 
 Российжи банкыларының клиентилеринге эптиг болзун дээш күрүне деткимчези-биле «Мир» национал төлевир картазын тургусканын сагындыраал. Ол айыыл чок чоруктуң делегей стандарынга дүгжүп турар болгаш, иштики факторлардан хамаарышпас. Ажаалга банкызының Тывада филиалы июль 1-ден эгелеп «Мир» картаны тарадып, берип база ажылдадып эгелээр.

Возврат к списку