Закрыть
Логин:
Пароль:
Забыли свой пароль?

Войти    

2016 чылда Тыва Республиканың республика бюджединиң күүселдезиниң дугайында чыл отчедунга ажык дыңнаашкыннар июнь 8-те болур

2016 чылда Тыва Республиканың республика бюджединиң күүселдезиниң дугайында чыл отчедунга ажык дыңнаашкыннар июнь 8-те болур 05.06.2017
«Тыва Республикада бюджет чорудуунуң дугайында» Тыва Республиканың хоойлузунуң 20 чүүлү-биле база Тыва Республиканың Дээди хуралының (парламент) даргазының 2017 чылдың май 22-де «2016 чылда Тыва Республиканың республика бюджединиң күүселдезиниң дугайында чыл отчедунга ажык дыңнаашкыннарны эрттирериниң дугайында» айтыышкынын күүседири-биле, 2017 чылдың июнь 8-те 10.00 шакта «Буян-Бадыргы» аалчылар бажыңының конференц-залынга, республика бюджединиң күүселдезиниң дугайында чыл отчедунга ажык дыңнаашкынны эрттирер.
  Тыва Республиканың сайыттары, федералдыг болгаш республика албаннарының болгаш агентилелдериниң, Тыва Республиканың Хөй-ниити палатазының, Тыва Республиканың кожууннар болгаш хоорайлар эрге-чагыргаларының төлээлекчи болгаш күүсекчи органнарының, ол ышкаш хөй-ниити организацияларының төлээлери ажык дыңнаашкыннарга киржир кылдыр чалаткан.  
 Тыва Республиканың Дээди Хуралының (парламент) даргазы Каң-оол Даваа ажык дыңнаашкыннар киржикчилериниң мурнунга сөстү алыры планнаттынган. Тыва Республиканың экономика сайыды Елена Каратаева 2016 чылда Тыва Республиканың социал-экономиктиг хөгжүлдезиниң дугайында чугаалаар. Тыва Республиканың саң-хөө сайыды Орлан Достай «2016 чылда Тыва Республиканың республика бюджединиң күүселдезиниң дугайында» Тыва Республиканың хоойлузунуң төлевилелин бүгүдеге тодаргай таныштырар.  
 Республиканың Саналга палатазының даргазы Василий Хомушку айыттынган хоойлу төлевилелинге Тыва Республиканың Саналга палатазының түңнелин таныштырар. 
«2016 чылда Тыва Республиканың республика бюджединиң күүселдезиниң дугайында» Тыва Республиканың хоойлузунуң төлевилелин Тыва Республиканың (GOV.TUVA.RU) база Тыва Республиканың Дээди Хуралының (парламент) албан езузунуң сайтыларында май 24-те салган.

Возврат к списку