Закрыть
Логин:
Пароль:
Забыли свой пароль?

Войти    

Тываның бюджет ажылдакчыларын «Мир» национал төлевир системазының картазынче шилчидер

Тываның бюджет ажылдакчыларын «Мир» национал төлевир системазының картазынче шилчидер 07.08.2017
 Тыва Республиканың күүсекчи эрге-чагырга органнарының база бюджет адырының ажылдакчыларын национал төлевирниң «Мир» картазынче шилчидер айтырыг талазы-биле хурал Тыва Республиканың Чазаанга эрткен.  
 Тыва Республикада Национал банкының, «Россияның Ажаалга банкызы» ПАН-ның Кызылда № 8591 салбырының, «Росбанк» АКБ ПАН-ның, «Россельхозбанк» ТРФ-тиң, «Связь-Банк» АКБ ПАН ТФБ-ниң, «Тываның Улус банкызы» АН кредит организацияларының салбырларының удуртукчулары, республиканың күүсекчи эрге-чагырга органнарының удуртукчулары болгаш бухгалтерлери хуралга киришкен.
 Республика бюджединден төлевирлер ап турар бюджет адырының шупту ажылдакчыларын «Мир» национал төлевир системазының картазынче шилчидериниң дугайында хуралга сайгарган. 
 Бо хүннүң байдалы-биле алырга, республика девискээринде 48961 бюджет ажылдакчылары Тыва Республиканың бюджединден шалың акшазын ап турар. Российжи 4 улуг банкыларның филиалдары: «Россияның Ажаалга банкызы» ПАН-ның Кызылда № 8591 салбыры, «Росбанк» АКБ ПАН-ның Чөөн-Сибирь филиалы, «Россельхозбанк» ТРФ база «Связь-Банк» АКБ ПАН ТФБ оларга шалың төлевирин чорудуп турар.  
 Кредит организациялары (оларның филиалдары) шалың төлевириниң керээлери езугаар бюджет организацияларының ажылдакчыларынга, пенсия болгаш социал төлевирлер алыкчыларынга 9149 картаны бо чылдың июль 1-ге чедир берген, ол ниити хереглелдиң 18 хуузу болур. Тыва Республиканың Чазаа «Мир» картаже бюджет адырының ажылдакчыларының шалың төлевирлерин шилчидер төлевилелди онза хыналдада алган. 
 Тыва Республиканың Чазааның 2017 чылдың май 12-де «Бюджет адырының болгаш муниципалдыг тургузугларның ажылдакчыларын «Мир» национал төлевир картазынче шилчидер хемчеглер дугайында» № 208-р айтыышкыны езугаар ажыл-чорудулга планы тургустунган. «Мир» картаны бээриниң графигин тургузуп, 2018 чылдың апрель 1-ге чедир күрүне болгаш муниципалдыг албан черлериниң ажылдакчыларын бүрүнү-биле шилчидерин кредит организацияларынга сүмелээн.

Возврат к списку