Закрыть
Логин:
Пароль:
Забыли свой пароль?

Войти    

Регионнуң ие (өг-бүле) капиталының акша-хөреңгизин Тывада 507 өг-бүле ажыглаан

Регионнуң ие (өг-бүле) капиталының акша-хөреңгизин Тывада 507 өг-бүле ажыглаан 29.08.2017
 2012 чылдан бээр Тывада регионнуң ие капиталының сертификадын алган хамаатыларның саны ай санында немежип турар. Бо хүннүң байдалы-биле алырга, ындыг өг-бүлелерниң саны 888 четкен деп, Өг-бүле болгаш уруглар херектериниң талазы-биле агентилел дыңнаткан.
 Регионнуң өг-бүле капиталының акша-хөреңгизин 507 өг-бүле ажыглаан. 490 кижи чурттаар байдалын экижиткен, 12 кижи ипотека чээлизиниң кол өрезин дуглаан, беш кижи уругларының өөредилгезинче шилчиткен. 
 Регионнуң ие капиталының түңү 50000 рубль акша дээрзин сагындыраал. Регионнуң ие капиталын ажыглаар эрге бешки азы оон дараазындагы уруг төрүттүнген азы азырап алгандан бээр үш чыл эрткенде боттаныр. 
 Регионнуң ие капиталының акша-хөреңгизин дараазында чүүлдерге: чурттаар оран-савазын экижидеринче (тудуу азы септелгези); уругнуң (ажы-төлдүң) эртем-билиг чедип алырынче; чээли организациязы-биле чарган чээли керээзи езугаар хамаатыларга берген ипотека чээлизи-биле чурттаар черин садып (тудуп) алганы кол өрезин дуглаарынга азы чээлилерин төлээринге ажыглап болур. Оон аңгыда ол акшаны эмнелге албан черлеринде төлевирлиг эмчи дузазын алырынга ажыглап болур.  
 Республикада ажы-төлдүг өг-бүлелерге социал деткимче хемчеглериниң дугайында тодаргай тайылбырны бо дугаарже долгааш, билип алыр: 8 (39422) 6-34-03, 2-17-44. Кызыл хоорайның Кочетов кудумчузунда 155 дугаар бажыңда 9 дугаар кабинетке 14 шактан 16 шакка чедир хамаатыларны хүлээп турар.

Возврат к списку