Закрыть
Логин:
Пароль:
Забыли свой пароль?

Войти    

«Россияның демир-оруктары» төлевилелге киржиринге беленин бадыткаан

«Россияның демир-оруктары» төлевилелге киржиринге беленин бадыткаан 08.09.2017
 ВЛАДИВОСТОК, сентябрь 7. /ТАСС/. Курагино (Красноярск край) - Кызыл (Тыва) демир-оруун келир чылын катап тудуп эгелээр. Тываның Баштыңы Шолбан Кара-оол ол дугайында, Чөөн чүктүң экономиктиг шуулганының үезинде, ТАСС-ка интервью берип тургаш дыңнаткан.
  "Келир чылдың эгезинде тудуг эгелээр деп бодап тур мен. Россияның демир-оруктары күрүне структуразы ол төлевилелдиң боттанылгазын алгаш, ынаар хуу капиталды хаара тудуп эгелээр, ындыг чадада келген бис» - деп, ол чугаалаан.  
Ооң дыңнатканы-биле алырга, РДО-нуң удуртулгазы төлевилелге киржиринге белен. Моол кызыгаарга чедир туткан орук, Моол биле Кыдаттың четкизинче угланган магистраль болурун Тываның Баштыңы демдеглээн. 
Моол тала Тываның оруунга тутчу бээр демир-орук төлевилелин тудуп эгелей берген. Aspire Mining Limited австралий компанияның Northern Railways бүдүрүлгези Овоот хөмүр-даш уургайындан Эрдэнет хоорайга чедир 547 км узун орук адырын чоокта чаа тудуп эгелээн. Магистраль российжи кызыгаарже үнер чаа орук болур.
 2016 чылдың июньда, Моолдуң, Россияның база Кыдаттың удуртукчулары үш чурттуң экономиктиг коридорун тургузар программаны бадылаан. Ынаар демир-орук коридорунуң ийи төлевилели кирген: Барыын (Курагино - Кызыл - Цаган Толгой - Урумчи) баз Соңгу (Курагино - Кызыл - Цаган Толгой - Эрдэнэт - Пекин - Тяньцзинь) угланыышкынныг. 
 Курагино - Кызыл орук тудуунуң төлевилели 2011 чылда эгелээнин дыңнаткан. Саң-хөө бергедээшкининден Тываның найысылалының чоогунда оруктуң чүгле бир километри туттунган. Төлевилелдиң өртек-үнези - 1 млрд рубль ажыг. Демир-орук тудуун акшаландырар айтырыглар шиитпирлеттинип турар. 
 Шуулган дугайында 
Чөөн чүктүң экономиктиг үшкү шуулганы Владивосток хоорайга сентябрь 6-7-де болуп эрткен. 2017 чылда Чөөн чүктүң экономиктиг үшкү шуулганының информация тарадыр чиңгине партнеру, албан езузунуң фотохост-агентилели, инвестиция төлевилелдерин таныштырар зонаның модератору ТАСС агентилели болган.

Возврат к списку