Закрыть
Логин:
Пароль:
Забыли свой пароль?

Войти    

Тывада тус чер төлээлекчилер депутадының соңгулдаларынга «Чаңгыс демниг Россиядан» кандидат тиилээн

Тывада тус чер төлээлекчилер депутадының соңгулдаларынга «Чаңгыс демниг Россиядан» кандидат тиилээн 11.09.2017
 Тыва Республиканың Соңгулда комиссиязының даргазы Олег Фортуна Тыва Республиканың Барыын-Хемчик кожууннуң Эрги-Барлык көдээ сумузунуң Төлээлекчилер хуралының дөрткү чыыжының депутадынче соңгулдаларның түңнелин Тываның Баштыңы Шолбан Кара-оолга илеткээн. 2017 чылдың сентябрь 10-да, чаңгыс аай бадылаашкын хүнүнде, Тыва Республиканың Барыын-Хемчик кожууннуң Эрги-Барлык көдээ сумузунуң Төлээлекчилер хуралының дөрткү чыыжының чаңгыс мандаттыг соңгулда округунуң депутадынче 11 депутатты бадылаан. 
 «Тыва Республиканың хоойлузу езугаар, соңгукчуларның келиишкининге кызыгаарлаашкын чок, бадылаашкында (соңгулдада) киришкен соңгукчуларның эң хөй санын алган кандидат соңгуткан деп санадыр. А бир эвес өске кандидатка хамаарыштыр бадылааннарның саны деңнежи бээр болза, баштай бүрүткеткен кандидатты соңгуткан деп санаар» - деп, Олег Фортуна тайылбырлаан. 
 11 чаңгыс мандаттыг соңгулда округунуң депутадынче 20 кандидат бүрүткеткен, 9 кижи «Чаңгыс демниг Россиядан», а 9 кижи боттарын идип үндүрген. Шупту соңгулда округдарынга соңгулдалар эрткен. Аңаа соңгукчуларның 66,34 хуу киришкен. «Чаңгыс демниг Россия» бүгү-российжи политиктиг партиядан 11 кижи көдээ сумунуң Төлээлекчилер хуралының депутадынга соңгуткан.  
 Соңгулдаларда код (QR-код) номчуур база түңнелдер үндүрер технологияларны республика бир дугаар ажыглаанын Олег Фортуна чугаалаан. Тываның Баштыңы Шолбан Кара-оол соңгулда чорудуунда чаартылгаларны база сөөлгү өскерлиишкиннерни айтырып, чаңгыс аай бадылаашкын хүнүнде соңгулдаларны чедиишкинниг эрттиргени-биле байырны чедиргеш, мурнунда харыысалгалыг үе – президент соңгулдаларынга белеткелди демдеглээн.

Возврат к списку