Закрыть
Логин:
Пароль:
Забыли свой пароль?

Войти    

Россияның Социал палатазы-биле Тываның Күш-ажыл болгаш социал политика яамызы керээге атты салган

Россияның Социал палатазы-биле Тываның Күш-ажыл болгаш социал политика яамызы керээге атты салган 13.09.2017
 Кызылга «Россияның Социал палатазы» социал угланыышкынныг организацияларның кады ажылдажылга болгаш хөгжүлде эвилели-биле Тыва Республиканың Күш-ажыл болгаш социал политика яамызы ийи таланың аразында дугуржулгага атты салган. 
 Россия Федерациязының Социал палатазының даргазы Владимир Пискурев база Тыва Республиканың күш-ажыл болгаш социал политика сайыды Людмила Тас-оол документиге атты салганнар.  
 Дугуржулгага даянып кады ажылдаарының шупту арга-хевирлерин сайгарган. Коммерцияга хамаарышпас боттуг секторну хевирлээр адырда кады ажылдажылганы чорударда, мергежилге болгаш өөредилге таварыштыр регионнуң социал сайгарлыкчы чорук болгаш коммерцияга хамаарышпас организациялар хөгжүлдезинде шаптараазыннарны ажып эрттеринге дузалаары, кады эксперт ниитилежилгезин болгаш хемчеглерин тургузар болган. 
 Россияның Социал палатазының консалтинг ачы-дуза департаментизиниң удуртукчузу Оксана Ищенко ийи таланың ук дугуржулгазының ужур-дузазын демдеглээн. Регионда хамааты ниитилел хөгжүлдезинде айтырыгларны элээн дээштиг шиитпирлээринге Палата биле яамының аразында быжыг кады ажылдажылга идиглиг болурунга бүзүреп турарын ол чугаалаан.  
 Яамы биле ооң структуразында ведомстволар Россияның Социал палатазы-биле сырый кады ажылдаарынга беленин сайыт Людмила Тас-оол дыңнаткан. 
 Бо хонуктарда, Күш-ажыл яамызында, Тывада социал угланыышкынныг коммерцияга хамаарышпас 20 ажыг организацияларның удуртукчулары өөредилгени эртип турарын сагындыраал.

Возврат к списку