Закрыть
Логин:
Пароль:
Забыли свой пароль?

Войти    

Тываның Баштыңы губернаторларның Кремль рейтингизинде эки турушта

Тываның Баштыңы губернаторларның Кремль рейтингизинде эки турушта 28.11.2017
 «Россияның губернаторларының Кремль рейтингизиниң» ийиги үндүрүлгезиниң тургузукчулары Тываның Баштыңы Шолбан Кара-оол федералдыг төпке хамаарыштыр хамаарылгазы элээн быжыг дээрзин айыткан. 
Регион политиказын хөгжүдер төптүң белеткээни шинчилел барымдааларга даянгаш, халажып болур губернаторларны айтырын оралдашкан. Рейтингиниң авторлары регион баштыңнарынга беш демдектиг сан-биле – ажыл-агыйынга даянып «багайдан» «тергиининге» чедир үнелелди берген.  
Сибирь Федералдыг округтуң губернаторлар корпузунда чамдык коллегаларынга деңнээрге, Шолбан Кара-оол республика баштыңы албан-дужаалга президент соңгулдаларының соонда безин артып каар деп, Төптүң эксперттери санап турар. Тываның Баштыңы рейтингиде «быжыг» дөрттү алган. 
Оон аңгыда, Бурятияның баштыңы, Забайкалье край биле Томск облазының губернаторлары ындыг демдектерлиг. Красноярск край, Иркутск, Новосибирск база Омск областарның баштыңнарын политологтар «тергиин» деп үнелээн.  
Төптүң эксперттери Сибирьниң арткан регионнарының баштыңнарынга хамаарыштыр байдал шоолуг эвес деп санап турар. «Назылаан» губернаторларны президент соңгулдаларынга чедир халаар чадавас деп эксперттер түңнээн.

Возврат к списку