Закрыть
Логин:
Пароль:
Забыли свой пароль?

Войти    

Тываның Кадык камгалал яамызы дыштаныр хонуктарның ажылын сайгарган

Тываның Кадык камгалал яамызы дыштаныр хонуктарның ажылын сайгарган 10.01.2018
 Январьның 10 дыштаныр хонуунда республиканың чонунга эмчи дузазын көргүскениниң база эмнелге албан черлеринде чылыг чурумун сагып турарынга хамаарышкан медээлер Тываның Кадык камгалал яамызынче доктаамал кирип турган.
 Байырлалдың дыштаныр хонуктарында эмчи ажылдакчылары назылап кыраан болгаш шоолуг шимчевес 1515 кижиге чедип, эмчи хыналдазын эрттирген соонда, 15 кижини эмнелгелерде чыттырган.  
Эмчилер социал ажылдакчылар-биле кады, байырлалдың 10 хонуунуң иштинде, 7288 өг-бүлени кезип, 13523 уругну, 1617 иштиг херээженнерни бажыңнарынга шинчип көргеш, 43 кижини эмнелгелерже чоруткан.  Социал айыылдыг байдалда 44 өг-бүлени илереткен, 795 уругга эмчи дузазын көргүскен. 94 бичии уругларны эмнелгелерде чыттырган. 
Социал албан черлеринче 48 уругну хувааган, назы четпээннер комиссияларынга тургузар бижиктерни 6 өг-бүлеге берген. Уругнуң кадыының байдалынга айыылды тургуспазы-биле бичии кижини эмнелгеге чыттырары эргежок чугула апарган дугайында чугааны социал албан специалистериниң дузазы-биле чаңгыс эвес катап чоруткан таварылгалар база бар.
Санитарлыг авиация Тере-Хөл, Чөөн-Хемчикти таварты Барыын-Хемчикче ийи катап ушкан. Дүрген эмчи дузазын көргүзери-биле автотранспорттуг 11 үнүүшкүннү организастаан. Дүрген эмчи дузазының төвү 4966 кыйгыртыгларже үнген, 789 аарыг кижини эмнелгелерде чыттырган. Хүнде ортумаа-биле 134 кыйгыртыгже үнер тургаш, 300 үнүүшкүннү кылган. Соңгаарладып болбас 885 келдириишкинни хандырган.

Возврат к списку