Закрыть
Логин:
Пароль:
Забыли свой пароль?

Войти    

Тываның Баштыңы Шолбан Кара-оол Россияның Президент соңгулдаларында чаңгыс чер-чурттугларының эң-не демниг чоруу дээш четтиргенин илереткен

Тываның Баштыңы Шолбан Кара-оол Россияның Президент соңгулдаларында чаңгыс чер-чурттугларының эң-не демниг чоруу дээш четтиргенин илереткен 19.03.2018
Тываның чонунуң хамааты быжыг туружунга база чаңгыс демниинге кажан-даа бүзүрээр мен. Президент соңгулдаларының түңнелди ону бадыткады. 
В. В. Путинни деткип, бадылаашкынга эң-не хөй үннү чурттуң иштинде бердивис. Бодувус чуртувусту, республикавысты, хоорай, суурларывысты ам-даа эки, күштүг болгаш каас-шиник кылыр дээн бистиң бүрүн чүткүлүвүстү көргүскенивис ол.  
Бис – чаңгыс команда, хөй националдыг чаңгыс өг-бүле бис дээрзивисти бадыткадывыс. Россияның хамаарышпас чоруу база чоннуң төлептиг амыдырал-чуртталгазы дээш Путинниң курузун деткидивис. Соңгулдаларга «ийе» деп үннү бергеш, чаңгыс үзел-бодалдыгларывыс ышкаш, чуртувус дээш, Тывавыс дээш бүрүн харыысалганы үлежип, аңаа дузалажырынга беленивис илереттивис.  
Силерге четтирдим, эргим чаңгыс чер-чурттугларым! Эр-хей силер! 
Келир үеде Президентиниң күжү база төрээн Тывавыска деткимче – бистиң бир демниивисте. 
Тыва Республиканың Баштыңы Ш. Кара-оол.

Возврат к списку