Закрыть
Логин:
Пароль:
Забыли свой пароль?

Войти    

Тываның Баштыңы Кызылда көвүрүгнү чаартыр ажылдар 2019 чылда доостурун дыңнаткан

Тываның Баштыңы Кызылда көвүрүгнү чаартыр ажылдар 2019 чылда доостурун дыңнаткан 16.04.2018
Төлевилелдиң ниити инвестиция хемчээли 1,26 млрд рубль хире. Тываның найысылалы Кызылда коммуналдыг чаңгыс көвүрүгнүң эде тудуушкун ажылдары 2019 чылда доостур. Красноярскиниң экономиктиг форумунуң (КЭФ) үезинде, Тываның Баштыңы Шолбан Кара-оол ооң дугайында ТАСС-ка дыңнаткан.
 "Ында ажылдар эгелээн (реконструкцияны - ТАСС), а 2019 чылда ону доозар бодалдыг бис. Эде чаартылга ажылдары дээр-даа болза, херек кырында 2-ги класстың тудуг ажылдары чоруп турар, ооң түңнелдинде дөрт дилиндекте шимчээшкинниг апаар бис» - деп, Кара-оол чугаалаан.  
2017 чылда эде тудуушкун ажылдары эгелээн, бюджеттиң аңгы-аңгы деңнелдеринден 211 млн. рубльди ажылдарже тускайлаан. Хем кежир кежигже ниитизи-биле 1, 26 млрд. рубль инвестицияны киирер, 2018 чылда 540 млн. рубльди угландырган. 
Амгы үеде Кызылда Улуг-Хемни кежир чаңгыс көвүрүг ажылдап турар, ол 2013 чылда чер шимчээшкининден когарап, аварийлиг байдалда келген. Хүнде 1,5 муң машина эртер кылдыр санаан көвүрүглеп, херек кырында 15 муң транспорт аймаа халдып турар. Эде тудуушкун ажылдарын доозуптарга, көвүрүгнүң эрттирилге күчүзү ийик катап улгадыр.
 ТАСС

Возврат к списку