Закрыть
Логин:
Пароль:
Забыли свой пароль?

Войти    

Тываның Баштыңы арга-арыг өрттери-биле демиселде профилактика ажылдары болгаш белеткелди бирги ээлчегде салырын негээн

Тываның Баштыңы арга-арыг өрттери-биле демиселде профилактика ажылдары болгаш белеткелди бирги ээлчегде салырын негээн 24.04.2018
Тываның Баштыңы Шолбан Кара-оол понедельникте, аппарат хуралында, муниципалдыг тургузугларның удуртукчулары болгаш оралакчыларындан өрттүң айыыл чоруунуң талазы-биле бирге ээлчегде чорудар хемчеглерни хандырын негээн. Чурттакчылыг черлер чоогунда өрттени бээр боктарны болгаш кургаг сигенни аштап арыглаар.  
Эрткен неделяда беш арга-арыг өрттү болган. Хамаатыларның өртке удур айыыл чок чоруктуң дүрүмүн хажыткан буруузу-биле болганы тодараттынган. Кара-Хаак, Черби, Сайлыг, Дерзиг-Аксы, Хадың суурдан ырак эвесте, беш, алды, сес километр черлерге өрттер болгулаан. 
«Бөгүн өрттү өжүрүп алган-дыр бис, а бир эвес профилактика ажылдаырнче шупту күштерни мөөңневейн, кижилер томча чок чоруп турар болза, даартагы хүнге магадылал чок. Ынчангаш, хүндүлүг коллегалар, сергелеңнеп, өөредилге болгаш белеткел ажылдарынче кирерин негеп тур мен. Дүрген хөделир, дыңнадыр, хемчеглерни алыр, арга-арыгга камныг болур кылдыр кижилерге тайылбырлаар» - деп, Тываның Баштыңы Шолбан Кара-оол чугаалаан.  
Сөөлгү чылдарда, ОБЯ болгаш ИХЯ дээн ышкаш шупту структуралар-биле кады демниг ажылдап, арга-арыгже эрттеринге хайгаарал чурумун кииргеш, республикада өрт айыылын чавырылдырып шыдаан бис деп, республика баштыңы демдеглээн. 
Тываның Баштыңы бодунуң оралакчылары Аяс Чудаан-оол биле Анатолий Дамба-Хууракка өрт айыылының чаа сезонунда ажылды дүүштүрер даалганы берген.

Возврат к списку