Закрыть
Логин:
Пароль:
Забыли свой пароль?

Войти    

Тываның Баштыңы Президент Владимир Путинниң эрге-чагыргаже киргениниң езулалында

Тываның Баштыңы Президент Владимир Путинниң эрге-чагыргаже киргениниң езулалында 08.05.2018
Тываның Баштыңы Шолбан Кара-оол май 7-де, Москвага, Россияның Президентизи Владимир Путинниң инагурация езулалынга киришкен. Москваныы-биле ол 12 шакта эгелээн.  
Владимир Путинниң эрге-чагыргаже киргениниң езулалы бо удаада Москваның кудумчуларынга чаңчылчаан президент кортежи чокка эрткенин федералдыг МИЧ-тер дамчыткан. Ооң мурнунда президент Кремльче РФ-тиң федералдыг камгалал албанының Хүндүлүг таңныылынга үдедип алгаш, албан-дужаалынче кирип турган. 
Бо удаада ооң мурнундазын ийи катап хөй – беш муң хире аалчыларның киржилгези-биле езулал эрткен. Парламентарийлер, албан-дужаалдыглар, культура ажылдакчылары болгаш өске-даа билдингир болгаш хүндүлүг кижилерден аңгыда, соңгулда компаниязынга ажылдаан волонтерлар болгаш хөй-ниитичилерни Владимир Путинниң инагурациязынче чалаан.  
Бирги канал, «Россия 1», «Россия 24» база НТВ РФ-тиң президентизи албан-дужаалче Владимир Путинниң саадап турар байырлал езулалын дорт дамчыткан.
Владимир Путин 2018 чылдың март 18-те Тыва Республикага 93,66 хуу келген соңгукчуларының 91,98 хуу үнүн алганын сагындыраал.

Возврат к списку