Закрыть
Логин:
Пароль:
Забыли свой пароль?

Войти    

Тываның Баштыңы ажыл-албан аайы-биле Моолдуң найысылалында чеде берген

Тываның Баштыңы ажыл-албан аайы-биле Моолдуң найысылалында чеде берген 14.05.2018
 Майның 13-те, Тываның Баштыңы Шолбан Кара-оол ажыл-албан аайы-биле Улан-Батор хоорайга чеде бээрге, Моолда Россия Федерациязының Онза болгаш Бүрүн эргелиг элчини Искандер Кубарович Азизов уткуп алган.  
Понедельникте, Гандантэгчинлен хүрээзинге барган соонда, Моолдуң Улуг Күрүне Хуралының кежигүнү, «Россия-Моол» парламентилер аразында бөлүктүң удуртукчузунуң оралакчызы, дээрги Б. Энх-Амгалан, Моолдуң даштыкы харылзаалар сайыды, дээрги Д. Цогтбаатар, орук болгаш транспорт хөгжүлдезиниң сайыды, дээрги Ж. Бат-Эрдэнэ олар-биле ажыл-агыйжы элээн каш ужуражылгалары эгелээн. 
Моолдуң Президентизи, дээрги Халтмаагийн Баттулга-биле Күрүне ордузунга ужуражыр.
Албан езузунуң делегациязында «Росчеткилерниң» төлээлери, тыва сайгарлыкчылар, чазак кежигүннери база Дээди Хуралдың депутаттары кирген. 
«Эрткен чылдың сентябрьда Моолдуң Президентизи дээрги Баттулга-биле ужуражып чугаалашкан бистиң идеяларывыстың тодаргай күүседикчилери-биле чугаавысты уламчылаар бис. Барыын Моолче российжи электри энергиязын үндүр садары кайы-даа талага дыка ажыктыг болур ужурлуг – деп, Тываның Баштыңы Шолбан Кара-оол аъттаныр мурнунда сагындырып чугаалаан. 
Красноярск - Кызыл - Хандагайты - Улангом - Хопту – Урумчи кызыгаарлар аразының автомобиль оруунуң төлевилелин эгелээринге бичии-ле үе арткан деп бодаар мен. Улан-Батор – Кызыл авиарейзинге сонуургалдыг авиаужудукчуну тыварын шенеп көөр. Тываның девискээринге эът болбаазырадыр бүдүрүлгени кады ажыдарын саналдаар». 
Тываның Баштыңы оон аңгыда, Моолдуң бойдус, долгандыр хүрээлел база туризм сайыды, дээрги Н. Цэрэнбат, Моолдуң энергетика сайыдының оралакчызы Т. Гантулга, Моолдуң камгалал сайыды, дээрги Н. Энхболд, «Northern Railways» компанияның удуртулгазы база Моолдуң Национал хөгжүлде агентилелиниң удуртулгазы-биле ужуражылгаларны эрттирери планнаттынган. 
Тываның Баштыңы «Mongolyn Alt Corporation» (МАК)» компанияның Моолдуң Төп болгаш Чөөн-Гоби аймактарында үлетпүр объектилеринге база чедер. Тыва актер Эдуард Ондарның киржилгези-биле «Гобиниң легендазы» кинону тырттырган «UBS» телекомпания Тываның Баштыңын интервьюже чалаан.

Возврат к списку