Закрыть
Логин:
Пароль:
Забыли свой пароль?

Войти    

Тываның Баштыңы: Сергей Шойгунуң кылган бүгү-ле ажылы бедик шынарлыг

Тываның Баштыңы: Сергей Шойгунуң кылган бүгү-ле ажылы бедик шынарлыг 21.05.2018
Россия Федерациязының камгалал сайыды, армияның генералы Сергей Шойгу майның 21-де төрүттүнген хүнүн демдеглеп турар. Ооң адынга дыка хөй байыр чедириишкиннери келген. Тываның Баштыңы Шолбан Кара-оол база байырын чедирген.  
«Бөгүн бистиң Сергей Кужугетовичиниң төрүттүнген хүнү. Бүгү күш-ажылчы оруун Россияның дээди эрге-чагыргазынга, чугула албан-дужаалдарга бараалгаткан. Баштай Күрүне тудуунга, оон Онза байдалдар яамызынга, ам Камгалал яамызында. Ооң бүгү-ле кылган ажылдары: күрүне структуразында албаны, бажыңында мастерскаяда бодунуң холу-биле кылган чүүлдери кезээде дээди шынарның демдээнге төлептиг болур. Ооң ады безин бренд апарган. Бир эвес Шойгунуу болза, ол шынарлыг, быжыг, олчаан баар – деп, Тываның Баштыңы Шолбан Кара-оол демдеглээн. - Сергей Кужугетович чеже-даа бачым, чай чок ажылдыг болза, биче төрээн чери, бодунуң угун-дөзү кезээде ооң сагыш-човаашкынында. Тывазынга шыдаар шаа-биле дузалап, ону хайгаарап чоруур. Онза байдалдар яамызының баазазы, Президентиниң кадет училищези азы бистиң шериг кезээ дыка хөйнү чугаалап турар. Ол чүс эвес, а муң ажыг ажылчын олуттар-дыр. Энерел сеткилдиг чаңгыс чер-чурттугларымның хөй санныг байыр чедириишкиннеринге каттыштым. Бистиң Өндүр Улуг Чаңгыс чер-чурттуувуска ак орукту, быжыг кадыкшылды, ажыл-албанынга-даа, амыдырал-чуртталгазында-даа узун назыны күзедим».

Возврат к списку