Закрыть
Логин:
Пароль:
Забыли свой пароль?

Войти    

Кызыл Армияның 100 чылынга турааскаткан делгелгеде Сергей Шойгунуң чогаадыкчы ажылдарын Тываның чурттакчылары болгаш аалчылары бир дугаарында көргеннер

Кызыл Армияның 100 чылынга турааскаткан делгелгеде Сергей Шойгунуң чогаадыкчы ажылдарын Тываның чурттакчылары болгаш аалчылары бир дугаарында көргеннер 06.06.2018
Хамаарышпас күрүнелер демнежилге чурттарының камгалал сайыттарының саммиди таварыштыр, Тываның Национал музейи база РФ-тиң Камгалал яамызының культура департаментизи «Армейжи культура хүннери» төлевилел чорудуу-биле, Кызыл Армияның 100 чылынга тураскааткан делгелгени белеткээн. 
Июнь 5-те, делгелгениң байырлыг ажыдыышкынында, РФ-тиң камгалал сайыды, армияның генералы Сергей Шойгу база Тываның Баштыңы Шолбан Кара-оол, Хамаарышпас күрүнелер демнежилгезиниң шериг ведомстволар баштыңнары киришкен. М.Б. Греков аттыг шериг чурукчулар студиязының ажылдары, «Россияның Армиязы» фотоделгелге, РФ-тиң Чепсектиг Күштериниң Төп музейиниң фондузундан плакаттар улуг делгелгеде кирген. РФ-тиң Чесектиг Күштериниң Чиңгине штавының шериг төөгүзүнүң библиотеказы Россияның азий кезээниң картазы болгаш схемазы кирген бодунуң онзагай фондузундан кара чаңгыс болгаш ховар номнарын делгээн.  
Сергей Шойгунуң бодунуң кылганы ажылдарының делгелгезин чонга бир дугаар бараалгатканы солун. Ында ыяштан кылыглар, вазалар, шкатулкалар, скульптуралар кирген. РФ-тиң Камгалал яамызының парлалга албаны, графика болгаш живопись ажылдары онза кичээнгейни хаара тырттарын демдеглээн.

Возврат к списку