Закрыть
Логин:
Пароль:
Забыли свой пароль?

Войти    

Полицияның майору Дмитрий Рекида: Тывада шупту чүвеге таарзындым

Полицияның майору Дмитрий Рекида: Тывада шупту чүвеге таарзындым 23.08.2018
Дмитрий Рекида, Тыва Республикада ИХЯ-ның эксперт-криминалистика төвүнүң улуг эксперти, полицияның майору:  
- Тыва Республикага төрүттүнген мен. Төрүттүнер черин шилип албас дээр, канчаарга-даа төрээн черим бо. Маңаа төрүттүнгенимге бичии-даа хомудавас мен. Бойдус чурумал-даа, кижилерни-даа көөр болза, онзагай, дыка солун чер. Тывада шупту чүве меңээ сонуурганчыг, онзагай. 
Кончуг нарын 90 чылдарда, чүнү канчаарын шилип эгелээш, бо албанда бодумну тыптым. Эр кижи бүзүрелди, турум чорукту тудар ужурлуг. Бодунга болгаш долгандыр кижилерге бүзүрелди магадылап турар ажыл бо чүве.  
Тыва Республикада ИХЯ-ның эксперт-криминалистика төвүнде эксперт болуп ажылдап турар мен. Амгы үеде-даа хереглелин салбаан, наркотиктиг бүдүмелдер талазы-биле эксперт-химик болуп хөй чылдарда ажылдадым. Бо хүннерде ДНК шинчилээр талазы-биле лабораторияже шилчип келдим. Чаа угланыышкынныг лаборатория чоокта чаа ажыттынган. Ажыл солун.
Күрүне тугунуң хүнү - чылдан чылче кижилерге чугула апарган чаа байырлал. Республика чурттакчыларынга амыр-тайбыңны күзедим! А артканнарын боттарывыс ажылдап, тудуп тургаш, чедип алыр бис!

Возврат к списку