Закрыть
Логин:
Пароль:
Забыли свой пароль?

Войти    

Сергей Меняйло биле Шолбан Кара-оол МАСС ажылының сорулгаларын чугаалашкан

Сергей Меняйло биле Шолбан Кара-оол МАСС ажылының сорулгаларын чугаалашкан 31.08.2018
Сибирь федералдыг округда Россия Федерациязының Президентизиниң бүрүн эргелиг төлээзи Сергей Меняйло Тыва Республиканың Баштыңы – Чазааның даргазы, «Сибирь дугуржулгазы» регионнар аразында экономиктиг кады ажылдажылга ассоциациязының даргазы Шолбан Кара-оол-биле ужурашкан.
Сергей Меняйло биле Шолбан Кара-оол ужурашкаш, бо чылдың сентябрь 30-де, Россия Федерациязының Чазаанче киирер Россияның Эртемнер академиязының Сибирь салбырын хөгжүдер планның төнчү чадазын болгаш чөпшээрежилгелерин чугаалашкан.  
Күрүне баштыңының 2018 чылдың апрель 18-те бергени, Россияның Эртемнер академиязының Сибирь салбырының комплекстиг хөгжүлде планын ажылдап кылыр даалгазы-биле, Сибирь федералдыг округтуң мурнады болгаш үр хуусаада күүседир угланыышкыннары езугаар, планны тургускан. План төлевилелинде РЭА СС база федералдыг округтуң эртемденнериниң саналдары кирген.  
Оон аңгыда, регионнар аразында кады ажылдажылга ассоциациязының бо чылдың төнчүзүнге чедир күүседир планын база ужуражылга үезинде көрген. Сентябрь төнчүзүнде, Кызылга, МАСС чөвүлелиниң база бүрүн эргелиг төлээниң чанында чөвүлелдиң кады эрттирер хуралының хүн чурумунче кирер айтырыгларны сайгарган. 
sfo.gov.ru

Возврат к списку