Закрыть
Логин:
Пароль:
Забыли свой пароль?

Войти    

Тываның муниципалдыг тургузугларының бирги чартык чылда социал-экономиктиг хөгжүлдезиниң кол көргүзүглеринге мониторингини түңнээн

Тываның муниципалдыг тургузугларының бирги чартык чылда социал-экономиктиг хөгжүлдезиниң кол көргүзүглеринге мониторингини түңнээн 13.09.2018
2018 чылда Тыва Республиканың Экономика яамызы муниципалдыг районнар болгаш хоорай округтарынга квартал санында рейтингини тургузуп эгелээн. 
Тыва Республиканың Чазааның 2018 чылдың январь 23-те «Тыва Республиканың хоорай округтары биле муниципалдыг районнарның социал-экономиктиг хөгжүлдезиниң өзек көргүзүглеринге оперативтиг мониторингини организастаар дугайында» №16-р айтыышкынынга даянгаш, тус чер бот-башкарылга органнарының удуртулга шиитпиринден дорт хамааржыр 9 көргүзүгге рейтингини чоруткан.
Красноярскстаттың медээлеринге дүүштүр, Тыва Республиканың күүсекчи эрге-чагырга органнары квартал көргүзүглерин чыып, ооң шимчээшкинин анализтээш, Тыва Республиканың Экономика яамызынче киирген. Тыва Республиканың хоорай округтары биле муниципалдыг районнарның социал-экономиктиг хөгжүлдезин кварталдап үндүрерде, бадылаттынган методика-биле демдекти салыр. 
2018 чылдың бирги чартыында ажыл-чорудулгазының түңнелдери-биле рейтингиде бирги черже Кызыл кожуун үнген (89 балл), ийиги черде – Өвүр кожуун (78 балл), үшкү черде – Бии-Хем, Таңды база Чаа-Хөл кожууннар (76 баллдарлыг).

Возврат к списку