Закрыть
Логин:
Пароль:
Забыли свой пароль?

Войти    

Сибирьниң өөредилге адырының удуртукчулар бөлүүн Кызылдың аэропортунга уткаан

Сибирьниң өөредилге адырының удуртукчулар бөлүүн Кызылдың аэропортунга уткаан 26.09.2018
Россияның Чырыдыышкын яамызының ниити өөредилге адырында күрүне политиказы департаментиниң начальниги Сергей Пилипенконуң удуртулгазы-биле Сибирьде кадет өөредилге системазын хөгжүдер айтырыгларны сайгарган округ хуралы болуп эртер. 
Тывада 29 кижиден тургустунган делегация: Россияның Чырыдыышкын яамызындан Сергей Пилипенко, Сибирь федералдыг округдан Любовь Бурда биле Виктория Бахарева, Бурятияның өөредилге сайыды Баир Жалсанов, Алтай Республиканың өөредилге сайыдының бирги оралакчызы Ольга Болтошова база Омск облазының өөредилге сайыдының бирги оралакчызы Лариса Устинова, Хакас Республиканың, Алтай база Забайкалье крайларның, Иркутск, Кемерово, Томск областарның өөредилге сайыттарының оралакчылары чедип келген.
 Ийи хонук дургузунда элээн каш хемчеглерни эрттирери планнатынган. Сентябрь 25-те, Тыва Республиканың Күрүне лицейинге аалчылар Тыва Республиканың Чазаа биле Сибирь субъектериниң Чазактарының аразында өөредилге адырында Дугуржулгалар күүселдезин сайгарар. Дараазында хүнде, делегаттар Россияның Камгалал яамызының дээди өөредилге черлеринге хамаарышпас өөредилге организацияларының системазында күрүне политиказының боттанылгазын Кызылдың Президент училищезинге чугаалажыр. 
Кызылдың Президент кадет училищезиниң төлээлери албан чериниң өөредилге чорудуунда онзагай арга-дуржулганы, инновация технологияларының дугайында таныштырылганы кылыр. Оон аңгыда, амгы үеде Красноярск крайда Мариинскиниң уруглар гимназиязының база кадеттер корпустарының системазында ажыл-чорудулганы, Кемерово облазында кадеттер өөредилгезиниң хөгжүлдезин база сайгарар. 
Сибирьниң кадет корпузунуң директору Андрей Бахвалов кадеттер өөредир системада чидиг айтырыгларны, ону шиитпирлээриниң оруктарын, а Новосибирскиниң педагогика университединиң практиктиг болгаш тускай психология кафедразының профессору Ирина Федосеева кадет өөредилге системазында интеграция аргазының дугайында чугааны кылыр. 
Сентябрь 26-да, Алдын-Булак этнокультура комплекизинге, Тыва Республиканың Өөредилге болгаш эртем яамызы Сибирь регионнарының шупту яамылары-биле кады ажылдажылга дугайында дугуржулгага атты салыр.

Возврат к списку