Закрыть
Логин:
Пароль:
Забыли свой пароль?

Войти    

2017-2018 өөредилге чылының түңнелдери-биле Тыва Республиканың Баштыңының стипендияларын тыпсыр конкурсту чарлаан

2017-2018 өөредилге чылының түңнелдери-биле Тыва Республиканың Баштыңының стипендияларын тыпсыр конкурсту чарлаан 28.09.2018
2017-2018 өөредилге чылының түңнелдери-биле Тыва Республиканың Баштыңының стипендияларын тыпсыр конкурсту чарлаан.  
Студентилер бо чылдың октябрь 30-ге чедир дараазында документилерни дужаар ужурлуг:  
- стипендия алыр конкурска киржир дугайында бодунуң билдириишкини;  
- өөредилге организациязының шынзытканы, сөөлгү өөредилге чылында зачет дептеринден ушта бижилге азы хоолга; 
- өөредилге организациязының удуртукчузундан азы факультет деканындан кордакчының чедиишкиннерин айыткан таныштырылгалыг бижик;  
- Тыва Республикадан студентилерниң чаңгыс чер-чурттугларның хөй-ниити каттыжыышкынындан дилег; 
- студентиниң киир бижидилгелиг паспортунуң, ИНН, банк реквизиттериниң хоолгалары;  
- өөренип турар угланыышкынының (мергежилиниң) аайы-биле эртем шинчилелдеринге, студент конференцияларга, олимпиадаларга, чогаадыкчы конкурстарга болгаш фестивальдарга киришкенин бадыткаан эртем статьяларының база документилерниң шынзыткан хоолгалары;  
- Тыва Республиканың чогуур угланыышкында яамылар база ведомстволарның түңнелдерин ажыглаан болгаш Тыва Республиканың социал-экономиктиг хөгжүлде айтырыгларын шиитпирлээринче угланган курс ажылының азы өске шинчилел төлевилелиниң хоолгазы. 
Ажылдарны беш баллдыг система-биле үнелээр. Конкурска киириштирген ажылдың темазы өөредилгезиниң (мергежилиниң) профилинге дүүшкен турар ужурлуг. Эртем, профессионал өөредилге болгаш кадрлар белеткелиниң килдизинден сонуургаан айтырыынга харыыны ап болур: каб. 223, тел. 6-11-45 азы электроннуг адрес: prof@monrt.ru.

Возврат к списку