Закрыть
Логин:
Пароль:
Забыли свой пароль?

Войти    

Тываның Баштыңы көдээ ажыл-агыйының эртем-шинчилел институдун арттырып алырын дугурушкан

Тываның Баштыңы көдээ ажыл-агыйының эртем-шинчилел институдун арттырып алырын дугурушкан 16.10.2018
Тыва Республикада көдээ ажыл-агыйының эртем-шинчилел институду бодунуң эрге-байдалын хевээр арттырган. Октябрь 15-те, Тываның Баштыңы Шолбан Кара-оол Россияның эртем болгаш дээди өөредилге сайыды Михаил Котюков-биле ужурашкаш, ындыг дугуржулганы чедип алган.  
«Россияның эртем болгаш дээди өөредилге сайыды Михаил Котюков-биле үзел-бодалывыс чаңгыс болуп, ниити дылды тыптывыс. Тываның агаар-бойдузунуң, девискээриниң база инфраструктуразының онзагай болганы-биле, аңаа бодунуң эртем төвү ажылдаар ужурлуг деп, түңнелге келдивис» – деп, Шолбан Кара-оол социал четкиде бодунуң арынында дыңнаткан.  
РФ-тиң эртем болгаш дээди өөредилге сайыды, Тывада көдээ ажыл-агыйының эртем-шинчилел институдун салбыр кылдыр шилчитпейн, хевээр арттырарынга дузалаар болганын, Тываның Баштыңы демдеглээн. «Михаил Котюков белен эвес шиитпирни хүлээп алганын билип тур мен – деп, Шолбан Кара-оол чугаалаан, – шупту казна организацияларын кызырар, бюджет чарыгдалдарын таарыштырар ниити угланыышкынынга удур ону кылган». 
Тываның Баштыңы оон аңгыда, келир чылын Тываның гуманитарлыг болгаш тускай социал-экономиктиг шинчилелдер институдунуң тудуун доозарын, РФ-тиң эртем болгаш дээди өөредилге сайыды-биле дугуржуп алган.  
«Бисти билип, Тываны ниити аршин-биле хемчээри болдунмас деп чугаалааны дээш, Михаил Михайловичиге четтирдивис» - деп, Шолбан Кара-оол тускай демдеглээн.
 Республика удуртукчузу эрткен хүннүң база бир чедиишкинин айыткан: бо чоокку үеде «Тува авиа» бир вертолетту немей алыр.

Возврат к списку