Закрыть
Логин:
Пароль:
Забыли свой пароль?

Войти    

Тываның Баштыңы ажыл аайы-биле Москваже ужупкан

Тываның Баштыңы ажыл аайы-биле Москваже ужупкан 30.10.2018
Бөгүн, октябрь 30-де, Тываның Баштыңы Шолбан Кара-оол РФ-тиң Чазак даргазының оралакчызы Виталия Мутконуң удуртканы Россия Федерациязының регионалдыг хөгжүлде талазы-биле чазак комиссиязының ажылынга киржир.
 Аңаа 2019 база планныг 2020 биле 2021 чылдарда федералдыг бюджеттиң бюджеттер аразында хамаарылгалыг кезээниң төлевилелинде айтырыгларны, РФ-тиң субъектилеринде магистраль инфраструктуразын калбартырын модернизастаар комплектиг планны болгаш национал төлевилелдерни боттандырып турарын чугаалажыр. 
Тываның Баштыңы бо чоокку хүннерде федералдыг яамыларга база ведомстволарга ужуражылгаларны эрттирер. Тыва Республиканың Чазаа 2019 чылдың бюджет акшаландырыышкынын камгалаар дээш ам-даа ажылдаар. 
Республика келир чылдың күрүне программаларынга киржиринден аңгыда, чоокку алды чылда боттандырар ужурлуг Россияның Президентизиниң 12 чаа национал төлевилелинге киржир дээш туржурун сагындыраал.

Возврат к списку