Закрыть
Логин:
Пароль:
Забыли свой пароль?

Войти    

Тываның Баштыңы чаа техниканың дүлгүүрлерин хүлээткен

Тываның Баштыңы чаа техниканың дүлгүүрлерин хүлээткен 13.11.2018
Тываның Баштыңы Шолбан Кара-оол ОБЯ-ның регион эргелелиниң өрт-камгалал кезектеринге чаа тускай техниканы дамчыдар езулалга киришкен. Чазак даргазы социал четкилерде бодунуң арынында ооң дугайында дыңнаткан. 
«Бистиң камгалакчыларывыстың ажылын экижидер дээш, чыл санында өрт-камгалал техниказын чаартырын кызыдып турар бис. Бөгүн Кызыл хоорайның, Кызыл биле Барыын-Хемчик кожууннарның өрт-камгалал кезектеринге автоцистерналарны дамчыттывыс. Ак-Довурак биле Чадаана хоорайларда кезектер харга чоруур тускай машиналарны алган. Техника аймаан бистиң байдалывыска таарыштыр шилээн, кайда-даа малчын коданнарга, чедери берге суурларга чеде бээр күчүлүг. Камгалакчыларның дүрген хөделиишкининден дыка хөй чүүлдер хамааржыр. Өртчүлерниң боттарының айыыл чок чоруу база кол, техника чаа болган тудум, айыыл-халап эвээш» - деп, Шолбан Кара-оол бижээн.  
Автоцистерналар болгаш харга чоруур техникадан аңгыда, анаа противогаз дуза чок апаар, дыка ыштыг база угаарлыг черлерге ажылдаарынга кадыкшылга айыыл чок, «Омега» деп тынар 80 аппаратты база үлээн. Бо чылын өртке удур албанның кезектери 43 млн хире рубль акшага тускай техника аймаан база демир-херекселдерни алганын, РФ-тиң ОБЯ-ның Тывада кол эргелели дыңнаткан.

Возврат к списку