Закрыть
Логин:
Пароль:
Забыли свой пароль?

Войти    

Тываның Баштыңы мал кыштаглаашкынын организастыг эрттирери-биле кожууннарга штабтарны тургузарын дааскан

Тываның Баштыңы мал кыштаглаашкынын организастыг эрттирери-биле кожууннарга штабтарны тургузарын дааскан 20.11.2018
Тываның Баштыңы Шолбан Кара-оол аппарат хуралында, кожууннар чагыргалары ТР-ниң Көдээ ажыл-агый болгаш аъш-чем яамызының ниити удуртулгазы-биле элээн каш организастыг хемчеглерни чорудар ужурлуг деп демдеглээн.  
2018-2019 чылдың мал кыштаглаашкынын организастыг чорудары-биле кожууннар штабтарны ажылдадып, кышкы үеде сүт-бараан фермаларынга харыысалгалыг специалистерниң база ажылдакчыларның дежурныйлаашкын графигин тургузар.  
Регионнуң Баштыңы кадарчылар, саанчылар база малчыннарның чурттап турар бажыңнарын, сүт-бараан фермаларын – инек, бызаа кажааларын, серилерни база сиген кажааларын өртке удур камгалаарын айыткан.  
Оон аңгыда, малчын коданнарже оруктарны, ында суг болгаш чырык хандырылгазын онза хыналдага алырын база катап чагаан. Шолбан Кара-оол уругларның айыыл чок чоруун, эмчилер үнүүшкүннерин, автолавкаларның ажылын хандырарын сүмелээн. Мал чеминиң шынарынга, ветеринарлыг хайгааралга, организастыг мал оолдаашкынынга хамаарыштыр хемчеглерниң чиге планын ажылдап кылырын негээн.
«Аныяк өг-бүлеге кыштаг» губернатор төлевилелиниң киржикчилерин онза хайгааралга алыр ужурлуг.

Возврат к списку