Закрыть
Логин:
Пароль:
Забыли свой пароль?

Войти    

Республика Баштыңы Тываның күрүне филармониязының чаа оран-савазын тудар төлевилелди ажылдап кылыр даалганы берген

Республика Баштыңы Тываның күрүне филармониязының чаа оран-савазын тудар төлевилелди ажылдап кылыр даалганы берген 27.11.2018
Тываның Баштыңы Шолбан Кара-оол Москвага РФ-тиң культура сайыды Владимир Мединский-биле ужурашкаш, республиканың көдээ клубтарын тударынга, эде чаартырынга база капитал септелгезин кылырынга акша-хөреңгини аңгылап бээр магадылалды алган.
Аныяктар ордузунуң тудуун доозарынга немелде саң-хөөнү база Тываның күрүне филормониязының чаа оран-савазынга акшаны тускайлаарын сайыт чугаа үезинде бадыткаан.
«Владимир Ростиславович Мединский республиканың көдээ кожууннарынга ийи чаа клубту тудар саң-хөөнү аңгылаар планын бадыткады – деп, Шолбан Кара-оол айыткан. – Ол дугуржулга езугаар үш клубка капитал септелгени чорудары база бир клубту эде тудары планнаттынган. Ам республика чазааның доктаалынга ол планны быжыглаар ужурлуг бис».
Оон аңгыда Россияның культура яамызы Кызылда Аныяктар ордузун доозарынга акша-хөреңгини аңгылаар дугайында айтырыгларны сайгарып көөрүнге белен деп, Тываның Баштыңы демдеглээн. 
«Владимир Ростиславович республиканың ол объектизин деткииринге белен, ам ажылды эгелээр ужурлуг тудуг организациязын тывар ужурлуг бис – деп, Шолбан Кара-оол чугаалаан. – База ол ышкаш, Тываның күрүне филармониязының чаа оран-савазын тударынга тааржыр чижек төлевилелди дораан дилээр херек». 
Сөөлгү ийи чылда республика Россияның культура яамызы-биле чедиишкинниг кады ажылдаанының ачызында немелде акша-хөреңгини алыр аргалыг болган деп, Тываның Баштыңы демдеглээн.

Возврат к списку