Закрыть
Логин:
Пароль:
Забыли свой пароль?

Войти    

Декабрь 27-де Тываның Баштыңы Күрүне Чөвүлелиниң хуралынга киржир

Декабрь 27-де Тываның Баштыңы Күрүне Чөвүлелиниң хуралынга киржир 27.12.2018
Декабрь 27-де Тываның Баштыңы Шолбан Кара-оол эки турачы чорукту болгаш социал угланыышкынныг коммерцияга хамаарышпас организацияларны хөгжүдеринге тураскааткан Күрүне Чөвүлелиниң хуралынга киржир. Чурттуң президентизи Владимир Путин хуралды даргалап эрттирер. 
"Аңаа Россияда чарлаттынган Эки турачының база волонтернуң чылының түңнелдерин үндүрүп, эки турачы шимчээшкинни база социал угланыышкынныг коммерцияга хамаарышпас организацияларны моон-даа ыңай хөгжүдериниң планнарын көөр» - деп, Кремль демдеглээн. 
Хуралче федералдыг ведомстволар, парламент база регионнар удуртукчуларындан аңгыда, эрттип турар чылда бодунуң ажыл-чорудулгазы-биле эки түңнелдерлиг болган волонтержу база ачы-буян төлевилелдериниң киржикчилерин чалаанын, парлалга албаны дыңнаткан.
 Четверг кежээзинде, Улуг театрга, 2019 чылды уткаан байырлыг хемчег планнаттынган. Күрүнениң академиктиг Улуг театрының сценазынга Юрий Григоровичиниң тургусканы «Щелкунчик» балетти көргүзер. 
Чазак, парламент кежигүннерин, суд эрге-чагырга төлээлерин, регионнар баштыңнарын, эртем, культура, уран чүүл, спорт ажылдакчыларын, шажын-чүдүлге баштыңнарын, политиктиг партиялар лидерлерин, улуг бүдүрүлгелер болгаш хөй-ниити организациялар удуртукчуларын байырлыг кежээже чалаан. 

tass.ru-нуң медээзи-биле

Возврат к списку