Закрыть
Логин:
Пароль:
Забыли свой пароль?

Войти    

Тываның Баштыңы тайга-таскыл черге айыыл чок чоруктуң база алдынарының талазы-биле тайылбыр ажылын күштелдирерин дааскан

Тываның Баштыңы тайга-таскыл черге айыыл чок чоруктуң база алдынарының талазы-биле тайылбыр ажылын күштелдирерин дааскан 15.01.2019
Тываның Баштыңы Шолбан Кара-оол понедельникте хуралда, тайгада аңчыларны база анаа-ла кижилерни камгалаар операцияларның көвүдээнин айыткан.  
ОБЯ база ДАЧД оперативтиг дежурныйлар медээзи-биле, чүгле эрткен неделяда безин Тожу биле Улуг-Хем кожууннарга дилээшкин ажылдарын чорутканын демдеглээн. 
Бир аңчы Тожу кожуунда «Бедий» деп черде бодунуң аңнаар черинче сентябрьда чоруткан, декабрь төнчүзүнде чанып кээр ужурлуг турган. Амгы үеге чедир ол ээп келбээн. Камгалакчылар бөлүү читкен кижини дилээр ажылды чорудуп турар. 
Ыяштан ушкаш, ооргазын кемденип алган бир аңчыны Улуг-Хем кожуунда камгалаан. МИ-8 санавиация борту ону алган. Когараан кижиниң байдалы берге.  
«Тайгаже кижилерниң кайы хамаанчок кирерин шеглээр. Суму чагырга даргалары суурдан каш кижи, кайы хире үеде тайгаже чорутканын билген турар ужурлуг. Оларга чогуур тайылбырны бээр. ХК база ОБ албаны, ОБЯ-ның ТР-де эргелели, ТР-ниң күраңнаашкын комитеди тайылбыр ажылдарын күштелдирзин» - деп, Тываның Баштыңы Шолбан Кара-оол чугаалаан.

Возврат к списку