Закрыть
Логин:
Пароль:
Забыли свой пароль?

Войти    

Тываның Баштыңы Кызылдың чоогунга хөй каът бажыңнарлыг комплекстиг тудуг тудар участоктар даңзызын бадылаан

Тываның Баштыңы Кызылдың чоогунга хөй каът бажыңнарлыг комплекстиг тудуг тудар участоктар даңзызын бадылаан 24.01.2019
Республика Баштыңы Шолбан Кара-оолдуң даалгазы-биле ажылдап кылдынган, хөй каът бажыңнарлыг комплекстиг тудугну хөгжүдер «орук картазын» Тываның Чазаа бадылаан.
Кызыл хоорай мэриязы база Кызыл кожуун чагыргазы ол планга дүүштүр боттарының чиңгине планнарынче өскерилгелерни киирер. Найысылал чагыргазы инженер коммуникациязы, оруктар, харылзаа, социал, садыг болгаш өске-даа объектилер кирген бүгү инфраструктуралыг хөй каът бажыңнар тударынга «Вавилин ээтпээ» дачалар ниитилелиниң девискээринде черлерни курлавырлаан.  
Кызыл кожууннуң административтиг төвү – хоорай хевирлиг Каа-Хем суурда, Кызылдан 20 километр черде Сукпак суурда 3 микрорайонга хамааржыр черлерни курлавырга алган.
Амгы үеде хоорай тудуунуң документациязынче чогуур эдилгелерни киирер ажылдар эгелээн. Ажык сайгарылгага чугаалашкан соонда, муниципалдыг хуралдар айыттынган девискээрлерниң чаартынган чиңгине планнарын бадылаар. Хуусаазы – 2019 чылдың апрель.
 Тываның Баштыңы эвээш каът бажыңнар тудуун соксадырын хоорай чагыргазындан чаңгыс эвес удаа негеп келгенин сагындыраал. Шак-ла ындыг сөөлгү ужуражылга, Чаа чыл бүдүүзүнде, политиктиг партиялар болгаш хөй-ниити шимчээшкиннериниң төлээлери-биле эрткен. Оларның хөй кезии ол угланыышкында шиитпирлиг хемчеглерни чорударын деткээн. Кызылдың база аңаа чоок девискээрлерде экология айтырыының тургустунганы-биле, хөй каът бажыңнарлыг комплекс тудуунуң айтырыы тургустунган. Чүге дизе кышкы үеде, найысылалда бажыңнар печкаларын одап эгелээрге, хоорайны кара ыш бүргей туруптар. Агаар хирлендирер кол дөстер – печкалыг база биче котелдарлыг коттедж бажыңнар тударын хөй каът бажыңнар эвээжедир ужурлуг.

Возврат к списку