Закрыть
Логин:
Пароль:
Забыли свой пароль?

Войти    

Россияның Күш-ажыл яамызы «Демография» национал төлевилелче Тывада инвалидтерге 2 бажың-интернат тудуун киирген

Россияның Күш-ажыл яамызы «Демография» национал төлевилелче Тывада инвалидтерге 2 бажың-интернат тудуун киирген 25.01.2019
РФ-тиң күш-ажыл болгаш социал камгалал сайыды Максим Топилин Тываның Бүрен биле Хайыракан суурларда инвалидтер болгаш хоочуннарга бажың-интернаттар – ийи социал объектини «Демография» национал төлевилелче киирерин дилээн чагыгны деткээн.  
Республика Баштыңы Шолбан Кара-оолдуң федералдыг сайыт-биле ажылчын ужуражылгазында интернаттар тудар дугайында ооң мурнунда көдүрүп турган айтырыы шиитпирлетингенин дыңнаткан. 
Тываны хөгжүдер айтырыгларга сагыш човаачалы болгаш сонуургалдыы дээш Максим Анатольевичиге четтирдим. Бөгүн эрткен хуралда, Бүренниң психоневрологтуг бажың-интернадынга биле Хайыраканның назылап кырааннарга болгаш инвалидтерге бажың-интернадынга чаа бажыңнарны тударын 2020 чылда кииргенин бадыткады" – деп, Тываның Баштыңы бодунуң блогунда бижээн.  
Ук объектилер тудуунуң талазы-биле төлевилел документациязын ажылдап кылып турар болгаш, 2019 чылдың I чартыында белен апаар. Бүренниң психоневрологтуг интернадының чаа оран-савазын 200 кижиге санаан. А Хайыракан интернадының төлевилели эмчи болгаш амыдырал-хандырылга өрээлдерлиг, 80 орунга таарыштырттынган. 
Эрткен чүс чылдың 70 чылдардан бээр Тывага ындыг хевирлиг социал албан черлери туттунмаанын демдеглезе чогуур. Республикада Бүренде база Хайыраканда интернаттардан аңгыда, аварийлиг болгаш эргижирээн деп санаттынар 9 социал албан чери бар.  
«Сөөлгү үш чылда чаңгыс-даа интернат ойбайн, шуптузун бодум кезип көрген мен. Септеп-селиир арга чок, эргижирээн оран-савада кижилерниң чурттап турарын билир мен. Ынчангаш оларны септээриниң орнунга, Хайыраканда база Бүренде ышкаш, чаа тудуглар тудар арганы тывар» - деп, Шолбан Кара-оол бижээн.

Возврат к списку