Закрыть
Логин:
Пароль:
Забыли свой пароль?

Войти    

Тываның Баштыңы Шолбан Кара-оол Россияның кадык камгалал сайыды Вероника Скворцова-биле адырның инфраструктура хөгжүлдезин чугаалашкан

Тываның Баштыңы Шолбан Кара-оол Россияның кадык камгалал сайыды Вероника Скворцова-биле адырның инфраструктура хөгжүлдезин чугаалашкан 29.01.2019
«Кадык камгалалы» национал төлевилелдиң 8 программазының 7-зинге Тыва киржир. Январь 25-те Москвага, Россияның кадык камгалал сайыды Вероника Скворцова-биле республика баштыңы Шолбан Кара-оол ажыл-агыйжы байдалда ужурашкаш, регион чагыгларын камгалап алганының түңнелдерин чугаалашкан.  
«Тус черниң кадрларын тускай сорулгалыг белеткээри, ыраккы көдээ суурлардан оолдар, уругларны эмчи колледжтери таварыштыр медицина институттарынче дужаап кирерин чедип алыр. Тускай белеткелдиг керээ-биле специалистерни быжыглаар. Кызыл хоорайда терапия корпузун ажыглалче кииреринге белен, а чүгле дериг-херекселдер база техника-биле чедир чепсеглээр айтырыг бар. Тывага онкодиспансерни тудары дээш, өске-даа айтырыгларны сайыт-биле чугаалаштывыс» - деп, Шолбан Кара-оол интернетте бодунуң арынында болган чугааның утказын дамчыткан.  
ТР-ниң Кадык камгалал яамызының медээзи-биле алырга, национал төлевилелдер шугуму-биле Тывага шупту төлевилелдерни боттандырарынга 1 млрд. 484,3 млн. рубль түңнүг акша көрдүнген. Национал төлевилелдер чорудуу-биле кадык камгалалының инфраструктуразын калбартып, быжыглаары планнаттынган. Ылаңгыя регионнуң хан-дамыр төвү база ооң Барыын-Хемчик кожуунда салбыры улуг деткимчени алыр. Тывада онкология албанын чаартыры база кирген. 
Национал төлевилел күүселдези-биле онкодиспансерниң чаа оран-савазын тударындан аңгыда, ыжык аарыгларын тодарадыр амбулаторлуг онкология дузазының төвүн тургузары планнаттынган. Амгы онкология диспансеринге 32 аттыг дериг-херекселдерни салып, эде чаартыр. Национал төлевилелдиң база бир хемчээ – кадык камгалалының чаңгыс аай чурагайлыг харылзаазын, дүрген эмчи дузазы биле санитарлыг авацияның чаңгыс диспетчер төвүн тургузары көрдүнген.  
Кадрлар белеткели – республиканың бүгү кадык камгалал системазының эң кол айтырыы болуп арткан.

Возврат к списку