Закрыть
Логин:
Пароль:
Забыли свой пароль?

Войти    

Тыва Республиканың найысылалында бомба салган дугайында телефон-биле меге медээ кирген соонда, 2100 ажыг кижини чайлаткан

Тыва Республиканың найысылалында бомба салган дугайында телефон-биле меге медээ кирген соонда, 2100 ажыг кижини чайлаткан 31.01.2019
Россияның регионнарында мина салган дугайында меге дыңнадыглар нептерээн. REGNUM ИА Орел, Смоленск, Иваново, Липецк, Владимир, Краснодар, Ставрополь болгаш өске-даа хоорайларда административтиг, өөредилге, эмнелге албан черлеринде кижилерни айыылдан чайладып үндүргенин дыңнаткан.  
Терроризмге удур комиссия аппарадының удуртукчузу Алдын-оол Куулар Тываның Баштыңы Шолбан Кара-оолга, 2019 чылдың январь 29-та Кызылда күрүне болгаш муниципалдыг албан черлериниң албан езунуң электроннуг адрестеринге 16.30 минута турда, частыр дериг-херексел салып каан дугайында чажыт дыңнадыглар кээп эгелээнин дыңнаткан. Кызылдың 5 дугаар гимназиязы, Кызылдың президентиниң кадет училищези, Уруглар бажыңы, Тыва Республиканың Чазак бажыңының оран-савалары дыңнадыгларда кирген.  
Тыва Республиканың корум-чурум камгалаар шупту органнарын болгаш частыр техника база кинолог тускай албаннарын медээни хынаары-биле хаара туткан. Чажыт дыңнадыгда айыттынган шупту объектилерни хынаан. Оон аңгыда Кызыл хоорайның шупту өөредилге болгаш эмнелге албан черлерин хыналдага алган. Тыва Республиканың ИХЯ хынап турар черлерден 2174 кижини айыыл чок черже үндүрген. Объектилерден частыр чүүлдер тыппаан.  
Корум-чурум камгалаар органнарның дыңнадыы-биле алырга, 2019 чылдың январь ортандан бээр, Россияның барык шупту хоорайларынче оран-саваларны миналаан дугайында чажыт дынңадыгларны Интернет база телефон дамчыштыр тараткан.  
Уралдан бээр чыдар хоорайларга эң хөй дыңнадыглар келген. Хакасияның, Алтайның, Новосибирск, Омск база Иркутск областарның, Алтай база Красноярск крайның, Владивосток, Улан-Удэ, Благовещенск хоорайларның чурттакчылары бомба дугайында медээлерни болгаш чагааларны алган.
Амгы үеде Россияның федералдыг айыыл чок албанының Тыва Республикада эргелели Интернет четкизи дамчыштыр чажыт медэлерни чоруткан кижилерни дилеп-тывар хемчеглерни чорудуп турар.

Возврат к списку