Закрыть
Логин:
Пароль:
Забыли свой пароль?

Войти    

Тываның Кадык камгалал яамызы: эмчилер Шагаа байырлалының хүннеринде күштелдирген чурум-биле ажылдаар

Тываның Кадык камгалал яамызы: эмчилер Шагаа байырлалының хүннеринде күштелдирген чурум-биле ажылдаар 02.02.2019
Февраль 4-5 хүннеринде Тывага Шагаа байырлалын демдеглеп эрттирер. Эмчи бригадалары Кызыл хоорайның төп шөлүнге эртер Шагаа национал байырлалдың хемчеглери – саң салыр, номчулгалар, массалыг хемчеглер үезинде ажылдаар. 
Байырлал хүннеринде элээн каш эмнелге организацияларын эмчи хандырылгазының ажылынга дуза кадар база эмчи дузазының шынарын экижедидер кылдыр киириштирер.
Кызыл хоорайның поликлиникаларында грипптээн кижилерниң кээп турарының көвүдээнин көргеш, февраль 4 база 5 хүннеринде соңгаарладып болбас дуза албанын 15.00 шакка чедир ажылдаар кылдыр доктааткан. Кежээки болгаш дүнеки үеде кыйгыртыгларже үнеринге ийи бригаданы немей салып, Дүрген эмчи дуза төвүнүң ажылын күштелдирген. 
Соңгаарладып болбас дуза албанының телефоннар дугаарлары: 
дүрген дуза – 103, 112;  
Республиканың 1 дугаар эмнелгезиниң консультативтиг-диагностика поликлиниказы;  
- хирургия кабинеди, тeл. 2-14-87; 
 - соңгаарладып болбас дуза, тел. 2-18-63; 
 - травматология пунктузу, тел. 3-22-85;  
Хоорайның уруглар поликлиниказы – соңгаарладып болбас дуза, тел . 6-14-24; 
Хоорайның улуг улус поликлиниказы (Востокта), тел. 2-80-35, 3-73-73; 
Республиканың психиатрия эмнелгези, тел. 5-38-27;  
Республиканың наркодиспансери, тел. 5-38-31, 8-963-253-0875 (хондур-хүнзедир);  
ТР-ниң Кадык камгалал яамызы, тел. 5-64-12.

Возврат к списку