Закрыть
Логин:
Пароль:
Забыли свой пароль?

Войти    

Тываның эрге-чагыргазы РФ-тиң чазаа-биле мурнады боттандырар 48 төлевилелдерни акшаландырар дугайында дугуржулганы чарар

Тываның эрге-чагыргазы РФ-тиң чазаа-биле мурнады боттандырар 48 төлевилелдерни акшаландырар дугайында дугуржулганы чарар 12.02.2019
Тываның Чазаа федералдыг яамылар болгаш ведомстволар-биле мурнады боттандырар национал төлевилелдерни 2019 чылда акшаландырар дугайында дугуржулгаларга ат салырын доозуп турар.  
3 млрд. 298,23 млн. рубль түңнүг 48 дугуржулгага атты салырын февраль 14-ке чедир доозар деп, республика Баштыңы Шолбан Кара-оол дыңнаткан. 32 дугуржулганы тодарадып, бадылаан, ам 16 төлевилелди дугуржуру арткан.  
«Федералдыг бюджеттен инвестицияны хөйү-биле хаара тударын чедип алыр ужурлуг бис, бирээде ол. Өске талазында, камгалап алган шупту акшаларывыс 100 хуу азы оон-даа хөйге ажыглаттынган турарын магадылаар апаар. Күзелдер биле аргаларның дүгжү бээриниң айтырыы-дыр ийин. Бистиң сорулгавыс – чижээ, школа тударынга чүгле акшаларны канчап-даа тургаш чугаалажып алыры эвес, а ол школа үезинде туттунган турганын чедип алыры эң чугулазын уттуп болбас деп, сайыттарывыстан диледим. Ол эң кол» - деп, Тываның Баштыңы тайылбырлаан. 
Адырларның федералдыг яамылары-биле акшаландырыышкын хемчээлин дугуржурундан аңгыда, төлевилелдиң тускай көргүзүглери-биле ажылдап турар. РФ-тиң Президентизиниң май чарлыктары езугаар, 2019 чылда ол даңзыже 15 чаа айтыкчыны киирген.

Возврат к списку