Закрыть
Логин:
Пароль:
Забыли свой пароль?

Войти    

Тывада чиигелде алыр 174 муң кижиниң социал төлевирлерин индексастаар

Тывада чиигелде алыр 174 муң кижиниң социал төлевирлерин индексастаар 13.02.2019
Россияда тургустунган чурум езугаар, февральдың 1-ден чуртта социал төлевирлерни индексастаар. Тываның Күш-ажыл яамызы инфляция деңнели-биле хереглел өртээниң херек кырында ылгалын көргеш, эде санаашкынны кылырын дыңнаткан. 
Ростаттың дыңнатканы-биле алырга, 2018 чылда инфляцияның деңнели 4,3 хуу болган, төлевирни ол хире көргүзүгге эде көөр.  
Февральдың 1-ден уруг пособиези, күш-ажылдың болгаш тылдың ишчилеринге, репрессияга таварышкан кижилерниң база политиктиг репресссиялардан когараан деп санаткан кижилерниң, оларның өг-бүле кежигүннеринге төлевирлер, уруг азырап алганының пособиези, орнукшудулга акшазы ол көргүзүгге дүүштүр өскерлир. 
2019 чылда Тываның бюджединде айыттынган социал төлевирлерни долу хемчээлге төлээрин хандырарынга 1 млрд. 387 млн. рубль көрдүнген. Республиканың чиигелделерлиг 174 муң чурттакчызы социал төлевирлерни алыр.

Возврат к списку